2018年7月29日 星期日

買扒心大心細!林子善做食物檢察官 __,林子善,

林子善
買扒心大心細!林子善做食物檢察官新婚燕爾幾個月,就畀前度搞單杰撻撻嘅情慾對話事件出嚟,好彩老婆仔Kary深明大義投信任一票,所以見到林子善完全冇被新聞 ...


買扒心大心細!林子善做食物檢察官



新婚燕爾幾個月,就畀前度搞單杰撻撻嘅情慾對話事件出嚟,好彩老婆仔Kary深明大義投信任一票,所以見到林子善完全冇被新聞影響,兩公婆繼續旅行sweet sweet,日前林子善仲好好興致咁,去銅鑼灣高級超市買番兩塊兩扒返去煮愛心牛扒,同老婆撐枱腳…

撰文:東方新地 圖片:新傳媒圖片,Instagram-,Facebook-





林子善 食物檢察官

平時做開飲食又開茶餐廳,專業人士買食材畀自己落肚係唔同一般人,入場淨係揀塊扒,林子善全用咗將近半粒鐘,其中大半時間都係企喺個冰櫃前,目測完再拎上手慢慢揀,再細心望清楚手上個pack,又再望番個冰櫃嗰幾pack,左望右望無非要揀最靚嘅畀老婆食啫﹗

全程只係買兩塊牛扒,林子善企足喺冰櫃前將近廿分鐘,逐pack驗、逐pack比較。

用咗十分鐘你以為佢終於揀到pack心水扒,點知又唔捨得走,視線再次回到冰櫃內,唔講以為買緊金。


搞完一大輪終於去咗畀錢,但係排住隊,子善又望住個扒心大心細。睇足子善揀扒全程,覺得佢揀得落手、呢兩舊扒絕對唔簡單,唔知林太呢晚食落肚感唔感受到份心意呢?

即使係去到排隊等埋單,林子善都仲係全程望住pack扒,好似心大心細想揀份更靚,從事餐飲業嘅子善,對食物要求真係好高﹗
林子善

林子善早前先安排咗驚喜生日會畀老婆Kary,呢日又去咗揀塊靚扒回家同老婆歎。




林子善 為老婆搞驚喜生日飯聚

林子善老婆於日前生日,而作為結婚後首個生日,老公當然識做林子善就約哂成班老婆嘅好友搞咗個生日飯局,同埋老婆熱熱鬧鬧食住生蠔同刺身壽司過生日!林子善更甜蜜留言:「BABY 希望你一班好朋友可以給你驚喜! BABY K HAPPY BIRTHDAY I LOVE YOU F」,認真冧爆!



大食生蠔為「造人」鋪路

生日氹到老婆開開心心,Kary都喺個人社交網留言特別感謝老公,並多謝一班好友俾佢嘅生日驚喜。

食咁多生蠔,唔通想快啲造人成功?



生日就唔少得有個生日蛋糕,好友更為壽星女特登整咗個邪留丸造型蛋糕,勁靚!



難得Kary可以趁生日同一班好友共聚,林子善亦非常識做,拎起手機做揸機人,齊齊影番張大合照,手機遮哂自己成塊面都唔緊要,最緊要老婆開心!



林子善補擺喜酒

與去年已註冊的太太董佩欣(Kary) 舉行婚宴,晚上兩人會見傳媒,子善表示原本只擺50圍,但因為太多親朋戚友俾面出席,所以加到63圍,預計婚禮支出約7位數!子善同太太同好識做,嘴對嘴錫足一分鐘俾大家影相!



新郎子善好眼淺

提到會與太太共度餘生,都忍唔住講到眼濕濕,佢表示唔想空口講白話,行動最實際,首先會照顧好自己身體、做好自己工作,咁先可以好好照顧太太,一齊走埋下半生。子善提到較早時未講愛的宣言已經喊晒,斟茶俾外父外母又好感動,自己好眼淺!



林子善與老婆一度分手

雖然兩人終成眷屬,不過林子善與老婆Kary曾經歷不少波折,子善自爆兩人曾一度分手,原因係女方家人催婚,令自己壓力爆煲;加上當時事業發展未如理想,唔想拖累Kary,希望對方可以搵一個更好的另一半。



曾力追圈中人L小姐

早前有報道指,林子善喺同Kary分手到復合的個幾月真空期,曾力追一位圈中女藝人L小姐,發動肉麻短訊和錄音攻勢,甚至帶埋對方去見鄭嘉穎等一眾《鐵馬尋橋》的好兄弟。據知鄭嘉穎等人仲叫L小姐做「阿嫂」,令其非常受落。



情慾對話流出

報道更公開林子善與L小姐的錄音和短訊,如「經過昨晚0.01接觸,令我更加掛住你呢隻寶貝!」、「我正在床上,聞你殘餘的氣味。」等說話,令人嘩然。不過據知兩人拍拖個幾月後,子善認為與L小姐性格不合,加上好友唐詩詠力勸佢應該珍惜Kary,最終浪子回頭,與Kary復合。



林子善獲老婆信任

林子善回覆傳媒時,對此事直認不諱,更稱老婆Kary亦一早知道呢個女仔的存在,因為坦白的子善在跟Kary復合後,已將L小姐整件事和盤托出。早喺兩人婚前兩個月,呢位L小姐更透過facebook將子善與自己的對話內容send俾Kary,故子善對今次對話流出並唔意外。



唔打算開名

林子善又指,當時自己絕對唔係因為鍾意L小姐而同Kary分手,當時自己係單身,單身拍拖好正常,又唔係偷食。對於兩人拍拖個幾月就分手,子善就話最大的原因,係佢太掛住Kary!子善最後強調,佢同老婆的關係唔會因此變差,佢亦唔打算公開L小姐身份,唔想傷害對方,因為對方亦係圈中人,而且又未嫁人。



林子善同老婆睇完得啖笑

林子善好快在社交網站回應,表示同太太睇完單新聞都係得啖笑,心情並沒有受影響,而且事件其實已經係兩年半前發生,所以唔會再回應咁多。子善貫徹其鬼馬本色,貼上一段電影片段,正正係黃秋生講「我攞咗啲預防愛滋病嘅避孕套。」的電影片段!



正印林太勸女方放低

林子善回應後,正印林太Kary亦在網上發聲,貼上與子善的甜蜜合照之餘,亦表示唔會受到呢件事影響,多謝大家關心,仲叫該位L小姐早日放低…










鍾意就快D Share啦!
Related Posts Plugin for WordPress, Blogger...