網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年7月13日 星期五

【狗仔出更】 途人只搵鄭秀文合照 許志安識趣自動彈開 __,許志安,鄭秀文,安仔,

鄭秀文同Fans合照,安仔識趣彈開。
鄭秀文(Sammi)同許志安成就咗唯獨你是不可取替嘅愛情,兩人結婚5年恩愛如昔。日前下午約4點幾,《蘋果》發現安仔做柴可夫接載老婆現身大坑,泊好車後兩 ...


鄭秀文(Sammi)同許志安成就咗唯獨你是不可取替嘅愛情,兩人結婚5年恩愛如昔。

日前下午約4點幾,《蘋果》發現安仔做柴可夫接載老婆現身大坑,泊好車後兩夫婦蹺手行去浣紗街,戴cap帽、黑超嘅安仔着T裇、短褲街坊look,反而Sammi就搽咗烈焰紅唇仲襯晒衫,果然女士都係注重儀容啲。

原來許氏伉儷專程到大坑買肉骨茶,等外賣期間,兩人拖手漫步大坑消磨時間,喺附近周圍行咗差唔多十分鐘,一時男蹺女,一時女蹺男,仲不時喁喁細語,睇得出感情細水長流;其後有兩名女途人發現Sammi,即表現興奮上前要求同天后合照,順得人嘅Sammi變鄭四萬,笑晒口同fans影相,反而同樣係歌手嘅安仔,卻被冷落一旁!

估唔到Fans捉到鹿唔識脫角,冇集齊Sammi同安仔兩公婆,雖然安仔冇被要求合照,佢都好大方咁笑笑口,行埋一邊等老婆,完全冇話表現尷尬;之後兩人折返店舖取肉骨茶外賣,跟手行返去攞車返歸,初時安仔將外賣放後座,但轉頭又打番開車門,將外賣放上前座,似乎擔心冇人看管湯水會倒瀉。而Sammi就自己開車門坐司機位隔離,兩人老夫老妻唔計較要男士開門嘅問題。

精選娛聞,喺晒《娛果》

http://fb.com/appledailyent

鄭秀文同Fans合照,安仔識趣彈開。 安仔同Sammi到大坑買肉骨茶(攝影:畢紹基、吳耀輝) 安仔同Sammi到大坑買肉骨茶(攝影:畢紹基、吳耀輝)
兩夫婦行街好恩愛

兩夫婦行街好恩愛
安仔一身街坊look,Sammi就有化妝扮靚靚。

安仔一身街坊look,Sammi就有化妝扮靚靚。
途人只搵Sammi合照,安仔識趣行開。

途人只搵Sammi合照,安仔識趣行開。
許氏伉儷手拖手好sweet

許氏伉儷手拖手好sweet
安仔做柴可夫接載老婆返歸

安仔做柴可夫接載老婆返歸

鍾意就快D Share啦!