掃呢頁CODE去手機

2018年7月24日 星期二

陳偉霆:默認陳偉霆身份!Bruna讚男友高大靚仔 __,陳偉霆,

雖然Bruna話唔講得,但個答案呼之欲出喎!歌手陳偉霆(William)與巴西模特兒BrunaGMarth傳出緋聞,令女方聲名大噪,但榮升「霆嫂」的B ...


雖然Bruna話唔講得,但個答案呼之欲出喎!


歌手陳偉霆(William)與巴西模特兒Bruna G Marth傳出緋聞,令女方聲名大噪,但榮升「霆嫂」的Bruna依舊不錫身,日前身穿性感比堅尼影靚相,出盡「股惑」吸睛!Bruna一提起William就讚不絕口:「佢好友善,係好男仔,又有好身形。」問到對方是不是其理想男友類型,她即甜笑說:「可能啦,佢非常靚仔,可愛。(你面紅?)係呀。(你依家單身?)唔係,我有男朋友,但我唔可以透露太多,依家唔講得住,只可以講佢非常靚仔,同我差唔多高,我有1.8米高。(咁佢係咪好靚仔同可愛?)係呀,哈哈!」

會同William互傳訊息

講到很多人認為她是靠William成名,Bruna表示:「人哋咁諗好平常,但我唔覺得自己出名,我只係普通女仔。(有冇因為咁遇過麻煩事?)對我嚟講冇,一定有人鍾意我,有人討厭我。」她坦言跟William有保持聯絡:「我哋係朋友,點解唔聯絡?不過唔係每日,我哋會互相傳訊息。」

唔介意被「霆粉」攻擊

講到兩人傳出緋聞後,William粉絲對她發動「網絡攻擊」,Bruna坦言:「我知有好多人攻擊我,我明白佢哋唔鍾意我,有內地粉絲話我來自巴西,同佢哋唔同,亦有人覺得我太性感,唔鍾意我咁樣,但我完全唔介意。」此外,她亦自覺不是「陽光女孩」:「我皮膚太白啦,曬完就會紅卜卜。(敢唔敢裸泳?)點解唔得?我好享受夏天,但喺香港唔可以唔着衫,驚人哋會睇住。」

香港係第二個家

至於為何選擇在香港發展模特兒事業?她表示:「有好多原因喎。(係愛?)哈哈,好多嘢,我可以見我啲朋友,呢度係我第二個家。」還大方分享Keep Fit之道:「我一星期花四、五日健身同打拳,唔好食咁多甜食,糖分對皮膚唔好,有時我都會節食,但唔係成日做到,我控制唔到我個口同對手。」

服裝:Sheer

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!