（互聯網）
即上彩報世盃專頁：http://win.on.cc/football/cup2018/
世界盃仲打緊，但呢單驚天轉會傳得愈來愈似，C朗將以1億歐元由皇馬加盟祖雲達斯！今年33歲嘅C朗，一直未同皇馬續新約，近日意大利、西班牙傳媒都廣泛報道，話C朗已經答應轉會「斑馬兵團」，將簽約4年，稅後年薪達3000萬歐元。現時C朗經理人文迪斯，已飛抵馬德里同皇馬會長皮里茲會長商討轉會，而前祖記總監莫吉，直頭話祖雲達斯已經成功簽下C朗，呢位葡萄牙巨星將於慕尼黑進行體測！
早前歐聯決賽擊敗利物浦後，C朗公開暗示或會離開銀河艦隊，葡萄牙剛於世界盃出局，C朗係時候決定前途。因為人工傾唔埋欄，加上認為皇馬對自己唔尊重，所以C朗希望轉換新環境。祖雲達斯係意甲班霸，但要應付C朗巨額轉會費，以及4年1.2億歐元人工肯定吃力，故球隊已準備賣走現時包括希古恩在內嘅主力籌錢，另外亦有傳Adidas於背後發功，希望從NIKE手中搶出C朗，如果成事的話，「三間牌」會幫祖記手負責部份人工。
西班牙傳媒指出，現時皇馬仲未下定決心賣走C朗，不過該名巨星決意離開，而且報價又算吸引，所以皮里茲將同文迪斯作詳細研究。而意大利方面傳得更加犀利，莫吉公開表示，祖雲達斯已經簽下C朗，仲言之鑿鑿話佢將於慕尼黑做體測。至於現時祖雲達斯高層莫拉達就冇否認相關傳言，表示現時不便評論，令傳言更加似層層。
東網體育FB同你追實體壇每個精彩時刻！
http://bit.ly/2ecTF2A
來源 source: http://hk.on.cc
|
鍾意就快D Share啦！
|
|
|
