掃呢頁CODE去手機

2018年7月25日 星期三

演戲要令自己有feel 謝君豪向Paul哥「偷師」 __,Paul,謝君豪,黃貫中,

■謝君豪認為自己正值壯年,冇諗過有退休嘅一日。
■謝君豪認為自己正值壯年,冇諗過有退休嘅一日。謝君豪大後日將夥拍劉嘉玲同秦沛(Paul哥)演出舞台劇《奪命証人》,呢次亦係繼《杜老誌》後,謝君豪再度同 ...


謝君豪大後日將夥拍劉嘉玲同秦沛(Paul哥)演出舞台劇《奪命証人》,呢次亦係繼《杜老誌》後,謝君豪再度同嘉玲合作。謝君豪日前喺尖沙嘴接受訪問,佢話同嘉玲已有默契,同Paul哥就係首次合作:「我細細個睇Paul哥做戲大,唔單止我,劇組入面個個都係,睇吓今次合作有冇機會偷吓師。」



■(左起)謝君豪喺舞台劇《奪命証人》入面同劉嘉玲、秦沛大鬥演技。資料圖片

■(左起)謝君豪喺舞台劇《奪命証人》入面同劉嘉玲、秦沛大鬥演技。資料圖片

法庭偷師

呢個劇由毛俊輝執導,謝君豪都好緊張:「今次涉及大量法庭戲,事前要做多啲準備工夫,因為我係飾演一個被告,需要親自去法庭參考究竟係點樣運作,律師係點樣講嘢,證人同被告喺盤問下會出現啲乜嘢情緒同反應。」

近年謝君豪都盡量保持每年喺香港做一套舞台劇,其餘嘅日子都會留畀家人同接拍內地劇。返內地拍劇要離港幾個月,佢話忍受唔到離開太耐:「我通常一個月唔夠就返嚟一次,始終都掛住屋企。」佢坦言電影、電視劇同舞台劇三揀一辦唔到,始終接戲嘅原則有兩個:「首先角色要自己鍾意,如果鍾意就唔使考慮。其次就要諗當時等唔等錢使,如果等錢使,淨係對片酬有感覺,但角色又冇乜感覺,就要諗辦法令自己有感覺,呢個係專業演員應該有嘅態度。」

撰文:馮仁昭

場地提供:Dada Bar+ Lounge@ The Luxe Manor




鍾意就快D Share啦!