有買趁早呀！英超轉會窗今夏提早關閉，各路雄師近排都加速斟介心頭好，務求以最強陣容迎接新球季。其中爭標份子曼聯領隊莫連奴一直想買入星級中堅鞏固後防，結果睇中今夏喺俄羅斯世盃大放異彩嘅李斯特城守將哈利馬古尼。
消息指曼聯之前開價6,500萬鎊雖已被拒，仲話最新「狐狸」開大口叫價7,500萬鎊(約7.7億港元)呢個史上最高英格蘭後防球員收購價，亦係同華基爾雲迪積克並列史上最貴後防球員，務求趕絕「紅魔」。
不過，據聞「寸王」始終認定馬古尼係頭號增兵目標，無意放棄，交易極有機會喺8月9日轉會窗關閉前成事。家陣有莊家仲將哈利馬古尼轉投曼聯賠率，下調到1.83倍，似乎「魔迷」買定新衫印埋字都冇衰喎！
事實上，哈利馬古尼實力的確毋庸置疑，上季更為李斯特城踢盡英超每分鐘，家陣同「狐狸」仲有4年合約嘅佢，有傳仲畀球會逼佢再簽新約，似乎係想進一步向曼聯施壓。至於李斯特城亦似乎己為失去馬古尼做準備，有傳佢哋睇中英冠米杜士堡中堅賓吉遜做替補，之前試過開價1,300萬鎊被拒，預計佢哋都會加碼開價，反正有曼聯間接找數，同樣都係成事機高
東網體育同你追實體壇每個精彩時刻！
https://goo.gl/ewVpvE
來源 source: http://hk.on.cc
|
鍾意就快D Share啦！
|
|
|
