網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年7月29日 星期日

英超Fever:沙基利處子作超級倒掛 利物浦狂數曼聯 __,曼聯,

(互聯網)穆罕默德沙拿同沙迪奧文尼弗到震,但利物浦可以於國冠盃大數曼聯四個一皮,最出位嘅唔係呢兩位主力,而係處子登場嘅梳頓沙基利!「瑞士美斯」今夏以抵 ...


(互聯網)


穆罕默德沙拿同沙迪奧文尼弗到震,但利物浦可以於國冠盃大數曼聯四個一皮,最出位嘅唔係呢兩位主力,而係處子登場嘅梳頓沙基利!「瑞士美斯」今夏以抵買價1300萬鎊加盟紅軍,估唔到首次落場就又入波又助攻,建功一球仲係個超級靚倒掛,帶領利物浦大數曼聯4:1,認真犀利!

曼聯、利物浦呢對頭號世仇,於國冠盃對碰堅有睇頭,其中紅軍陣容完整得多,沙拿同文尼於鋒線攻堅,中場有占士米拿、拉爾拉拿同法賓奴泰華利斯,後防亦有華基爾雲迪積克壓陣,相反曼聯就只有阿歷斯山齊士、桑馬達、安達靴里拉、艾歷拜利、路爾斯華倫西亞在陣。

紅軍無論人腳、狀態都優於對手,上半場瘋狂壓迫紅魔鬼,其中沙拿同文尼弗到漏,9分鐘文尼妙傳入禁區,沙拿後腦都攻到門,但被曼聯新門將李爾格連神救力保不失,稍後雲迪積克頭槌亦被靴里拉護空門。20分鐘曼聯終有攻勢,但A山畀直線靚波,馬達一黐一射入網卻越位在先。27分鐘,沙拿禁區內激快楔贏曼聯小將米曹,後者兜腳踢跌埃及皇帝,球證畀12碼,文尼一抽搞掂開紀錄。但4分鐘後紅魔火速扳平,安達斯彭利拿25碼罰球抽近柱貼柱入網,半場曼聯1射1中,紅軍9射5中,打和1:1。

換邊後梳頓沙基利出場,文尼同沙拿退下火線,但紅軍攻力一啲都冇減低,65分鐘,沙基利於禁區「得」住拜利身位乖巧回後,史杜列治剛換入第一腳掂波就入波,紅軍再度領先。73分鐘靴里拉於禁區踢跌安德魯羅拔臣,球證直指12碼點,祖奧操刀一射入網拉開比數。利物浦愈攻愈勁,82分鐘活特本底線出波,沙基利技驚四座嚟個靚倒掛射成4:1,堅係有姿勢有實際,相信唔會再有利迷話呢位瑞士國腳唔夠班。紅軍數宿敵四個一皮完場,相信利迷會好滿意,而魔粉亦唔使太過緊張,相信當一眾主力回歸,聯賽對住利物浦,勢必唔會處於絕對下風。

東網體育FB同你追實體壇每個精彩時刻!

http://bit.ly/2ecTF2A 


來源 source: http://hk.on.cc
鍾意就快D Share啦!