掃呢頁CODE去手機

2018年7月10日 星期二

Liddy肚凸凸開工 收舖輕摸肚皮母子交流 __,Liddy,李悅彤,

■鮑偉業日前喺舖頭等Liddy收舖後一齊離開。
■鮑偉業日前喺舖頭等Liddy收舖後一齊離開。李悅彤(Liddy)早前被爆已婚同懷孕,仲喺葵涌開設生活家品店做老闆娘。有傳Liddy老公係澳門富商鮑偉 ...


李悅彤(Liddy)早前被爆已婚同懷孕,仲喺葵涌開設生活家品店做老闆娘。有傳Liddy老公係澳門富商鮑偉業(Ivan),不過Liddy多次話老公係圈外人,所以唔肯多講,只承認今年初結婚。



傍晚急急開餐



■要食埋BB嗰份嘅Liddy,食相睇嚟有啲兇狠。

■要食埋BB嗰份嘅Liddy,食相睇嚟有啲兇狠。

記者日前終於見到Liddy老公真身,佢正正喺Ivan鮑偉業。日前懷孕約5個月嘅Liddy,如常喺葵涌嘅家品店打躉。夜晚9點,佢就離開舖頭喺商場覓食,買咗個雪糕班戟返舖頭,原來佢老公一早喺舖頭等佢。當日Ivan戴帽同着T恤牛仔褲,兩公婆喺舖頭逗留到夜晚11點至收工,Liddy仲邊行邊摸摸肚,然後去停車場由老公揸車返深井寓所。第二日,Liddy下午1點左右返到舖頭,落力執貨,做到下晝5點先有時間食外賣,佢一次過要食番兩個人需要嘅份量,所以食相都幾兇狠。



噚日聯絡Liddy,講到日前影到佢老公Ivan真身,Liddy笑住話:「我都唔知講乜嘢好,我都唔係呢個圈啲人。」問佢大肚仲食生冷嘢雪糕班戟,Liddy話:「唔係我食呀,我買畀佢(Ivan)食㗎!」

撰文:馮仁昭




鍾意就快D Share啦!