34歲鄧麗欣(Stephy)同29歲台灣藝人邱勝翊（王子）承認姊弟戀，舊愛方力申都話幾個月前知佢哋拍拖（新聞連結： https://bit.ly/2LlifzI ）
由於係異地戀嘅關係，兩人都要爭取時間見多幾面，繼本周一王子秘密來港會佳人，乘坐女友安排嘅保母車離開機場，短聚僅三日，前晚王子就喺社交網貼身處橫濱相片，噚日中午1點，王子再貼單頭相話影緊雜誌封面，仲留言問：「有沒有在日本的朋友」？（新聞連結：https://bit.ly/2zSzy6v ）
還以為王子喺日本開緊工，原來一切只是煙幕，扮仍身在日本藉以掩飾來港拍拖真相，認真鬼馬！噚日下晝4點幾，《蘋果》收到讀者報料，指在中環Sevva見到Stephy同王子high tea，原來王子話咁快又靜雞雞嚟咗香港，可見佢同Stephy打得有幾咁火熱。
記者趕到現場採訪，大約傍晚6時20分，見到Stephy與幾位友人一齊出嚟，與一男一女行到正門，準備坐保母車離開，Stephy發現記者時好愕然，即刻撳手機似向男友通水，但上車前仍保持微笑，跟記者講拜拜。
保母車駛走後，大約過了5分鐘，同Stephy着白色情侶衫嘅王子，戴口罩同黑框眼鏡現身，由助手陪同離去，兩人由側門步出，走到街上周圍望想截的士，但放工時間中環好難截的士，兩人惟有行去的士站排隊。
記者上前問王子點解同女友分開走？王子望一望記者，冇出聲，似乎唔識點答，助手即解圍：「我哋o依家去搵車搭呀，因為頭先call唔到車。」問到王子喺ig話自己喺日本，點解咁快嚟咗香港，係咪想引開注意力？王子眼神流露尷尬，望實助手求救，助手再解圍：「諗太多」
因為的士站太多人排隊，王子不停撳電話，冇理周圍嘅人，之後排到的士，王子仲好有風度咁，打開車門讓女助手先上車，值得加分。
呢個中午Stephy應該好難忘，因為呢幾日香港時晴時雨，出街好彩都會遇見彩虹，佢噚晚就貼咗張彩虹相上ig，相信就係拍拖食tea個時見到㗎喇。
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|