2018年7月18日 星期三

方力申:一早知Stephy王子拍拖!小方:見過面冇尷尬 __,王子,鄧麗欣,Stephy,方力申,小方,邱勝翊,

成日見?藝人方力申(小方)出席展銷廳活動,講到舊愛鄧麗欣(Stephy)與年輕6歲的台灣前棒棒堂成員邱勝翊(王子)撻着,問到恭喜了Stephy未?小方 ...


成日見?


藝人方力申(小方)出席展銷廳活動,講到舊愛鄧麗欣(Stephy)與年輕6歲的台灣前棒棒堂成員邱勝翊(王子)撻着,問到恭喜了Stephy未?小方明顯有備而來謂:「兩、三個月前已經知,證明我守秘密幾好。有見過佢哋,冇尷尬!佢哋公開咗,希望今後大家問有關佢(指Stephy)嘅嘢就問我少啲,問佢自己多啲。」他又謂粉絲近日有在網上傳Stephy與王子的行蹤給他,他表示:「但其實我都知,希望關心我嘅粉絲可以關心自己同父母嘅感情生活多啲,多過關心我。」

唔只見過Stephy王子一次

問到Stephy有否告知他拍拖?他即笑言:「太detail喇!總之見過啦,有打招呼,冇尷尬。(你覺得佢哋襯唔襯?)女仔鍾意咪得囉。(你覺得自己定王子靚仔啲?)冇得咁講,又唔係選美,我又唔係sell樣。(你sell咩?)sell緣分,隨緣啦。」問到他跟兩人在甚麼場合見面?他又笑言記者問得太仔細,並謂:「唔只一次啦,冇尷尬。」問到可有過幾招給王子?他尷尬笑言:「唔講呢啲啦。(即係你感到尷尬?)唔係唔講呢啲啦,我呢排教游水好辛苦。」

大方祝福舊愛

問到可會戥Stephy開心?他笑言:「呢個問題好得意,梗係教我可唔可以有第2個答案?我叫小方啫,但我好大方!」講到他的感情狀況,單身的他表示:「大把女!泳會幾十個女仔,多到不得了,全部係無憂無愁、天真可愛嘅小朋友。」再問到他覺得Stephy喜歡王子甚麼?他則謂:「問佢啲閨蜜啦,作為前度不能太close。」

否認有新歡

講到他之前上載短片,期間有女生入鏡,他即強調不是女友,被Stephy取笑此地無銀,對此他笑言:「證明我有先見之明,澄清唔係都上咗報紙,不過我唔需要呢啲版面。」

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!
Related Posts Plugin for WordPress, Blogger...