掃呢頁CODE去手機

2018年7月3日 星期二

Stephy被爆陪緋聞男友返台灣 分開Check in扮唔識 __,Stephy,鄧麗欣,

■今年5月王子香港開騷,Stephy(中)同應采兒一齊去捧場,據聞應采兒係佢哋媒人。互聯網圖片
■今年5月王子香港開騷,Stephy(中)同應采兒一齊去捧場,據聞應采兒係佢哋媒人。互聯網圖片現年34歲嘅鄧麗欣(Stephy)最近傳出同細自己五歲嘅 ...


現年34歲嘅鄧麗欣(Stephy)最近傳出同細自己五歲嘅台灣前偶像組合Lollipop成員王子(邱勝翊)拍拖,噚日又有報道話,呢對緋聞男女喺上個月27號坐同一班機由香港到台灣,睇嚟兩人發展都好快。報道仲話佢哋係坐早機,當時兩人身邊都冇助手,但就刻意分開check in扮唔識;而同日Stephy就喺Ig貼相,話自己「冇瞓覺發吽𨛦」,留tag講早晨,同報道指佢搭早機不謀而合,但Stephy又另外留多兩個tag「世界盃」同「應該好多人都冇覺好訓」,唔知係咪想轉移視線。



■Stephy(左)16年甩拖冇耐,即同排球教練小牛鄧衍敏傳緋聞。資料圖片

■Stephy(左)16年甩拖冇耐,即同排球教練小牛鄧衍敏傳緋聞。資料圖片

被爆蘇梅度假

王子透過所屬經理人公司華研回覆台灣《蘋果日報》追問時,就話兩個「是為演藝工作以外的其他合作」。至於未來有冇發展嘅可能,王子就輕描淡寫話:「隨緣。」冇一口就封死自己後路。其實,王子同Stephy早前已經被指喺4月一齊去泰國蘇梅島度假,不過兩位當事人當日否認戀情,強調只係好友關係。另外,加上王子之前都同楊丞琳發展過姊弟戀,睇嚟佢都係對姊姊情有獨鍾。

撰文:馮仁昭




鍾意就快D Share啦!