2018年7月13日 星期五

【「好乞人憎嗰啲啦吓」】TVB兒童節目主持鍾晴仇狗言論 被斥教壞細路 __,鍾晴,TVB,

唔少網友仲踩入鍾晴facebook鬧爆佢失言。
正所謂禍從口出!港台DJ曾志豪噚日朝早喺主持嘅《瘋Show快活人》忘記閂咪,在節目休息時段,咪後一句「X你老味」,換來封咪11日懲罰。不過,喺節目「口 ...


正所謂禍從口出!港台DJ曾志豪噚日朝早喺主持嘅《瘋Show快活人》忘記閂咪,在節目休息時段,咪後一句「X你老味」,換來封咪11日懲罰。

不過,喺節目「口出狂言」又點只曾志豪一個?噚日喺J2播出嘅一集《兄弟幫》,主持林盛斌(Bob)同陳國峰,請咗主持兒童節目《Think Big天地》幾位主持鍾君揚、鍾晴、何依婷、鄧家禮上節目,叫佢哋講下啱啱加入娛樂圈嘅經歷,本來話題無乜特別,但其中一位兒童節目主持鍾晴,稱除咗龜以外,對一切動物都感到,恐懼,佢講及當年拍街景時遇上佢最驚嘅狗隻,竟然用「工廠區嘅狗特別毛茸茸同污糟」、「即係…好乞人憎嗰啲啦吓」,鍾晴又舉例,試過搭lift見過啲狗好熱情,「朋友叫我扮唔好驚」、「因為狗見你驚就嚇你」、「都唔知佢(牠)咩心態」。結果辣㷫晒一班愛狗人士。

Facebook群組「支持領養!!救救可憐流浪動物!!」今日喺有網民facebook貼文,以長文批評鍾晴,篇文講明唔係唔尊重怕狗嘅人,但認為佢呢番言論好有問題。貼文一出,愛狗人士隨即洶群而出,紛紛留言回應,直斥她「無資格做兒童節目主持」,言論甚至係「教壞細路」,有人更批評佢「完全冇內涵」、「唔識愛護﹑尊重動物」、「如何化行個妝都遮掩不了內心的醜陋及冷血」,甚至提供埋表格話要集體向廣管局投訴。

唔少網友仲踩入鍾晴facebook,雖然鍾晴連日都無更新內容,最新一個貼文已經係上月27日,但網友分別喺佢唔同嘅舊貼文留言,鬧爆佢失言,其中有網友留言「鍾小姐!多謝你令我認識到你!但不是因為你的樣貌和表現。而是閣下的無知、冇腦、嚴重缺乏愛心的言論行為,而令我知道有你這種低級兒童節目主持人的存在!」

傳媒於事後搵過鍾晴,但未獲回覆。而鍾晴面對facebook洗版留言,就依然喺ig生活自在,喺ig story貼文上健身同飲食嘅相。

唔少網友仲踩入鍾晴facebook鬧爆佢失言。 節目播出一日,已經令大量網民不滿。(電視截圖) 節目播出一日,已經令大量網民不滿。(電視截圖)
(電視截圖)

(電視截圖)
(電視截圖)

(電視截圖)
(電視截圖)

(電視截圖)
除咗工廠狗隻,佢仲話唔明啲狗諗乜。(電視截圖)

除咗工廠狗隻,佢仲話唔明啲狗諗乜。(電視截圖)
(電視截圖)

(電視截圖)
(電視截圖)

(電視截圖)
(電視截圖)

(電視截圖)
(電視截圖)

(電視截圖)
網民不滿其言論過火,有失榜樣。(facebook截圖)

網民不滿其言論過火,有失榜樣。(facebook截圖)
(facebook截圖)

(facebook截圖)
(facebook截圖)

(facebook截圖)

鍾意就快D Share啦!
Related Posts Plugin for WordPress, Blogger...