掃呢頁CODE去手機

2018年7月28日 星期六

趣聞:【有片】巴甲龍門踢波玩手機 UBER幕後搞鬼 __,UBER,手機平板,手機,

2個月前巴甲聯賽發生爆笑一幕,帕拉尼恩斯主場對明尼路嘅聯賽,主隊門將艾達巴山度士居然踢踢下波,拎部手機出嚟碌!呢個咁瘋狂嘅畫面,當然即刻引嚟全球網民熱 ...




2個月前巴甲聯賽發生爆笑一幕,帕拉尼恩斯主場對明尼路嘅聯賽,主隊門將艾達巴山度士居然踢踢下波,拎部手機出嚟碌!呢個咁瘋狂嘅畫面,當然即刻引嚟全球網民熱話,有人寸佢係睇緊股票,亦有人笑佢可能玩緊Candy Crush,總之就係好出奇。

艾達巴山度士做緊乜之謎日前終於揭開,原來呢位28歲門將當時係拍緊廣告!帕拉尼恩斯同UBER一早傾好,搵艾達巴山度士做男主角拍一套宣傳片,呼籲司機喺揸車期間咪用手機。UBER條廣告近日亦都曝光,片段開始即播番艾達巴山度士碌手機片,之後字幕問:「守門員踢波玩手機可以嗎?如果可以救回千萬條性命,可以!」廣告隨即列出巴西每年交通意外同傷亡數字,帶出揸車玩手機好危險嘅訊息。

雖然艾達巴山度士呢個廣告帶出正面訊息,不過巴西體育仲裁法庭始終要揸正嚟做,日前宣判佢違反體育守則第258條,要罰停賽1場,周一凌晨對維多利亞場巴甲聯賽就要服刑,至於帕拉尼恩斯亦被罰款1萬鎊。

東網體育FB同你追實體壇每個精彩時刻!

http://bit.ly/2ecTF2A 


來源 source: http://hk.on.cc
鍾意就快D Share啦!