掃呢頁CODE去手機

2018年7月30日 星期一

【連推大台兩套劇】鄧萃雯孖陳錦鴻為ViuTV拍新劇 __,大台,ViuTV,Viu,陳錦鴻,鄧萃雯,TVB,

【連推大台兩套劇】鄧萃雯孖陳錦鴻為ViuTV拍新劇TVB史上第一位冧莊視后鄧萃雯,唔單只連推兩套大台為佢度身訂造嘅劇──《不懂撒嬌的女人》及《多功能老 ...


  • 【連推大台兩套劇】鄧萃雯孖陳錦鴻為ViuTV拍新劇


  • TVB史上第一位冧莊視后鄧萃雯,唔單只連推兩套大台為佢度身訂造嘅劇──《不懂撒嬌的女人》及《多功能老婆》,更孖陳錦鴻轉投大台勁敵,齊為ViuTV拍劇。睇怕今次大台真係「賠了夫人又折兵」,隨時連忠實師奶擁躉都會為睇雯女而轉99台。

    2009及2010年兩套《巾幗梟雄》,令鄧萃雯成為冧莊視后。可惜2012年嘅《金枝慾孽貳》成績唔理想,雯女更直言係編審問題。直到2016年佢為大台擔任《萬千星輝》頒獎嘉賓,又喺台上直言:「我要好劇本,唔要飛紙仔,一定唔得。」

    以方丈性格嚟講,對雯女算係相當客氣,真係為佢度身訂造劇本,先有《不懂撒嬌的女人》,後有《多功能老婆》。不過,前者劇本雖好,但酬勞方面無誠意,雯女say no。至於後者,據知係因為套劇無齊全劇本,所以雯女一樣拒拍。

    鄧萃雯一而再再而三請大台食檸檬,轉個頭就同ViuTV合作,都係因為睇中99台新劇有「南方舞廳」坐鎮。事關兩年前由「南方舞廳」編審、監製嘅《瑪嘉烈與大衛系列-綠豆》口碑好,令劇本至上嘅雯女心郁郁。

    立即下載Apps,隨時隨地睇盡時政專題、深度偵查、娛樂熱話!

    按此連結:http://bit.ly/next28app



    鍾意就快D Share啦!