掃呢頁CODE去手機

2018年7月20日 星期五

劉鑾雄:被鬧戇XX 𡃁模許珮榆同大劉電梯罵戰 __,𡃁模,劉鑾雄,大劉,許珮榆,

𡃁模許珮榆講述與劉鑾雄發生罵戰的過程。𡃁模許珮榆(Diva)前日於希慎商場逛街,行經扶手電梯時,被一名阿叔大聲呼喝,驚撞親佢個仔,二人因而發生罵戰,過 ...


𡃁模許珮榆講述與劉鑾雄發生罵戰的過程。


𡃁模許珮榆(Diva)前日於希慎商場逛街,行經扶手電梯時,被一名阿叔大聲呼喝,驚撞親佢個仔,二人因而發生罵戰,過程長達十分鐘。Diva指阿叔聲大大話「會搵人打佢」,後來甘比出現,她才知這個人是大劉劉鑾雄,她坦言:「都驚㗎!都打算避走東南亞,好彩Plan好咗旅行,依家都真係有啲驚!」

記者:記者 Diva:D

記者:其實嗰日事發經過係點?

D:嗰日我喺希慎商場,準備上電梯,有個Fans見到我,認得我,叫我加佢入Facebook,我見咁有緣,佢又認到我,咪加佢!我整完揸住部電話行上扶手電梯,無啦啦有個阿叔話『喂』!講晒粗口咁,問我做乜攞住部電話,顧住聽電話咁!

記者:有冇拍片?

D:我梗係冇拍片我點諗到撞到佢呀!因為佢戴住個口罩,我就諗呢度係扶手電梯,係咁畀佢鬧,呢個阿伯搞乜嘢呀!阿伯好瘦,我話阿伯,其實你唔使咁躁底,我都冇撞到你個仔!佢就話:「咁你揸住個電話,仲話冇撞到!」跟住佢又話我係整容怪物喎!我就話好,你憑乜話我整容先,我哋去驗呀!依家去醫院驗,如果我冇整容嘅話,你賠錢畀我!」

記者:跟住佢有咩反應?

D:跟住佢就話:「你都戇XX!」又鬧鬧鬧……跟住有個女仔就話:「爸爸唔好嘈」我望真,原來甘比嚟㗎喎!嗰個係大劉嚟㗎喎!嘩!佢個仔五、六歲,我都冇撞到佢個仔,講真都上到地平線,我就話你咁錫你個仔,你積吓口福你積吓啲福氣佢(指大劉個仔)望住你點鬧人呀!佢將來點成才呀!阿爸咁鬧人喎!第時會對住其他人狂鬧,你阿仔實對住其他人鬧,佢聽完好嬲,仲話要搵人打我,我覺得佢有錢大晒嘛!剩係爆粗囉!但係佢冇Point㗎喎!係咁將自己識嘅粗口講晒出嚟!

記者:依家你知道佢係大劉,有冇後悔?

D:如果我冇撞到佢個仔都得罪佢,咁都冇計,邊有諗過佢係咁,扶手電梯個個都有權喺度㗎啦,佢自己幻想驚我睇電話一定撞到佢個仔咁,係佢嘅問題囉!如果我撞到佢個仔,一定會講Sorry!但我係拎住部電話,係我同佢講我有睇路㗎先生,佢就好㷫狂爆鬧!

記者:佢話搵人打你喎!

D:都驚㗎!都打算避走東南亞,都Plan好咗旅行。

記者:追唔追究?

D:依家真係有啲驚囉!

記者:會唔會打算報警?

D:我覺得成件事冇需要去報警咁嚴重,可能就係因為係佢一場少少罵戰會演變到全香港都知,依家個個以為我做新聞囉!黐線!要做新聞係做𡃁模嗰陣就做咗使鬼等依家咩!其實我唔係一個想搞事嘅人囉!我淨係想息事寧人,但係我冇錯,佢咁躁底咁鬧,我就好不忿,好嬲囉!我都有阿媽生㗎!

據了解,事後大劉對人表示,搵人打Diva純屬一時意氣衝口而出,不是真的!

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!