2018年8月7日 星期二

《延禧攻略》再演奸角獲激讚 細數佘詩曼10套超經典古裝劇 __,延禧攻略,佘詩曼,

佘詩曼
《延禧攻略》再演奸角獲激讚細數佘詩曼10套超經典古裝劇由于正執導嘅新劇《延禧攻略》剛在無綫開播,今次係佘詩曼相隔13年再度回歸清裝劇,仲係佢少有地再演 ...


《延禧攻略》再演奸角獲激讚 細數佘詩曼10套超經典古裝劇



由于正執導嘅新劇《延禧攻略》剛在無綫開播,今次係佘詩曼相隔13年再度回歸清裝劇,仲係佢少有地再演奸角,早前劇集已率先在內地播出,觀眾都激讚阿佘一開始由忠變奸,到表面善良內裡奸到出汁,令人睇到不寒而悚!其實除咗《延禧攻略》之外,一向好戲嘅阿佘仲拍過唔少古裝劇,包括《金枝慾孽》、《宮心計》等,都成為劇迷心目中嘅經典之作!

撰文:東方新地|圖片:新傳媒圖片庫、劇照及截圖、





佘詩曼 相隔13年再演宮廷劇

今次是佘詩曼自2004年拍攝《金枝慾孽》後,相隔13年(《延禧攻略》於2017年拍攝)再次拍攝宮廷劇,因此令一眾劇迷十分期待同興奮!

佘詩曼
《金枝慾孽》中,佘詩曼演出嘅爾淳亦係奸角,為達目的不擇手段,令觀眾留下深刻印象!


《延禧攻略》中佘詩曼原本溫婉善良,但因家人被逐一害死,令她由忠變奸,在雨中一幕講到:「欺負我的、虧欠我的,我一個都不會放過。」氣勢盡現!



佘詩曼於劇中最聰明的就是借刀殺人,因望再次得恩寵,而被女主角質疑她殺了人。

當中她說出一句「殺的是誰」,其冷靜的態度及奸詐的眼神,似非而是的回應,不禁令人佩服其演技。



一舉一動、每一個眼神都盡現著強大的攝人氣場!



歷史上嫻妃本是乾隆皇帝登基前的側福晉,後被封為嫻妃及嫻貴妃,由於端莊嫻淑深得皇太后歡心,所以孝賢皇后死後,皇太后勸乾隆改立嫻貴妃為皇后。



但乾隆有感孝賢皇后屍骨未寒,所以只封嫻貴妃為皇貴妃,統領六宮,直至孝賢皇后喪期屆滿,才封其為繼皇后,其後為乾隆先後誕下兩子一女,曾經寵極一時。

佘詩曼



但在一次陪皇上南巡後,繼皇后忽然被遣返皇宮,繼而被下令收回手中四份冊寶,即皇后一份、皇貴妃一份、嫻貴妃一份、嫻妃一份,等同被廢,身邊更只准留下兩名宮女。



隨後她在翌年逝世,終年只得49歲,喪禮更被乾隆帝下令僅以皇貴妃制度舉行。



有傳繼皇后忽然被廢,是因在南巡期間精神失常,並犯禁剪下自己頭髮,因皇后只能在皇帝或皇太后駕崩後才能剪髮,繼皇后此舉有如詛咒皇上和皇太后,因而觸怒龍顏。



佘詩曼 10套經典古裝劇重溫

其實除咗《延禧攻略》之外,一向好戲嘅阿佘仲拍過唔少古裝劇,包括《金枝慾孽》、《宮心計》等,都成為劇迷心目中嘅經典之作!

1. 99年《雪山飛狐》

97年奪得港姐季軍後,佘詩曼在99年處女拍劇即擔正做女一,飾演由金庸武俠小說改編嘅《雪山飛狐》女主角苗若蘭,當年嘅青澀樣貌竟同近日佢飾演嘅廿幾歲嫻妃相差不遠。



2. 00年《碧血劍》

拍完《雪山飛狐》,翌年佘詩曼再演金庸名著《碧血劍》,飾演女主角阿九 (長平公主),與林家棟有感情線。



3. 01年《倚天屠龍記》

吳啟華版嘅《倚天屠龍記》,由佘詩曼飾演周芷若,黎姿演趙敏,原來兩人喺《金枝慾孽》前已演過情敵。



4. 03年《帝女花》

與陳豪、馬浚偉主嘅古裝劇,當年嘅佘詩曼仍有包包面,女二有郭羨妮。



5. 04年《金枝慾孽》

04年《金枝慾孽》可說係佘詩曼嘅代表作,亦成為宮鬥劇中嘅經典,當中佢飾演嘅爾淳為達目的機關算盡,最後卻同侍衛陳豪終成眷屬,happy ending。

佘詩曼



6. 06年《覆雨翻雲》

同林峯主演黃易武俠小說改編電視劇《覆雨翻雲》,飾演慈航靜齋嘅秦夢瑤,打扮仙氣十足!

佘詩曼



7. 06年《鳳凰四重奏》

《鳳凰四重奏》中佘詩曼一人分飾四角,憑精湛演技首奪最佳女主角獎,升呢視后。

佘詩曼



8. 07年《鐵咀銀牙》

飾演牙尖咀利女狀師,與陳小春及謝天華大玩三角戀。

佘詩曼



9. 09年《宮心計》

劇中飾演「做好事、說好話、存好心」嘅「劉三好」,至今仍為觀眾所熟識,亦是其代表作之一。

佘詩曼



10. 10年《公主嫁到》

《公主嫁到》係佘詩曼喺無綫最後一部古裝劇,劇中佢飾演氣勢凌厲嘅公主,同陳豪繼做一對鬥氣夫妻,大受好評!

佘詩曼

鍾意就快D Share啦!
Related Posts Plugin for WordPress, Blogger...