網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年8月8日 星期三

【爆相爆片】長沙灣19歲女疑情傷 無上裝碌地沙 __,


有讀者星期二喺長沙灣見到一個少女,只係着住內褲、無上裝喺條馬路度行,其間又喊又叫,見到都心酸,究竟受咗乜嘢刺激令到佢咁失常呢!下晝4點幾,陳先生放工之 ...



有讀者星期二喺長沙灣見到一個少女,只係着住內褲、無上裝喺條馬路度行,其間又喊又叫,見到都心酸,究竟受咗乜嘢刺激令到佢咁失常呢!

下晝4點幾,陳先生放工之後沿住長沙灣道向深水埗方向行去搭巴士,行到近長沙灣消防局嘅行人天橋底嗰陣,聽到大約50米前面有人大嗌。當佢再行近啲嘅時候,就見到一個年約20歲嘅女仔,喺3線行車嘅長沙灣道向荔枝角方向慢線,逆線而行,陳先生話初時見個女仔好似想截的士,有架的士駛埋去,但係懷疑的士司機見到個女仔赤裸,唔敢載,切線去中線避開,其他車見佢喺慢線行都避開佢。

個女仔繼續行到去長沙灣遊樂場對開嘅巴士站,行番上行人路踎喺地下,大叫大喊,好似喺度打緊電話。陳先生話個女仔情緒非常激動,剩係聽到佢大嗌:聽電話呀,言語間似係同情人鬧交,但其他都唔係聽得好清楚。個女仔嘅手臂同大脾都有紋身,陳先生話佢仲喺地下好似滾地沙咁碌地,最後坐咗喺地下。之後陳先生上咗巴士,見到有兩個差人指住女仔個方向行緊過去,應該係有途人報咗警。

警方表示,警員到場喺上址見到嗰個19歲少女,佢情緒激動,於是召救護車將佢送院檢查,同時通知佢屋企人照顧佢。

你敢爆,我敢獎! 即Call《蘋果》24小時爆相爆片熱線63836568

鍾意就快D Share啦!