蕭正楠居然夠膽搞喊女友翠如？
今晚《美女廚房》邀來黃翠如、張寶兒及梁嘉琪擔任「廚娘」，而吳卓羲（Ron）及黃宗澤擔任嘉賓，與主持蕭正楠（阿蕭）、張振朗及林盛斌齊齊「試食」。翠如與阿蕭這對情侶同場放閃，先是Ron笑指翠如頭髮乾旱，阿蕭就搞笑謂：「我身材好過佢！」翠如即接口：「咁你除衫畀我睇」點知阿蕭答：「你知㗎！」隨即全場起哄。
食到跪低
三位美女於首個回合煮洋葱湯及羊膝，廚技可謂「海軍鬥水兵」！翠如廚藝被張振朗等勁彈之際，阿蕭飲湯後冧讚：「好甜喎！」試食羊膝時又氹女友謂：「都唔係咁難食啫，有人撐你，我撐你！」在旁的黃宗澤即謂：「去紅棉道（婚姻註冊處）啦。」然而事後評分時，阿蕭只給翠如1分，並說：「我都唔可以偏私呀。」及後翠如煮魚粥顯真功夫，食到一眾評審舐舐脷畀晒10分，此時阿蕭感性表示：「真係要跪低（畀分）先得…我都係第一次食佢煮嘅嘢。」氹到翠如眼泛淚光，用紙巾拭抹：「唔準話我煮嘢難食喇！」
連環吐湯
幾位主持及嘉賓本來對寶兒的菜式有彈冇讚，但當飲過嘉琪的湯後，即齊齊起身向寶兒「鞠躬」道歉：「其實你唔係咁差啫。」眾人更連環吐出嘉琪的湯，她更慘被取笑：「香港嘅男士如果想帶佢返屋企，真係要諗清楚！」
來源 source: http://hk.on.cc
|
鍾意就快D Share啦！
|
|
|
