陳曉華堅稱狄以達唔係第三者。
應屆港姐冠軍陳曉華（Hera）、亞軍鄧卓殷、季軍丁子田及友誼小姐陳靜堯獲頒發共值四百七十萬元的后冠及首飾，有傳Hera的舊愛狄以達拍拖時是第三者，她否認：「唔係，唔知嗰位爆呢段料嘅同學係咪真係我同學。（兩段拍拖嘅時間好緊接？）唔係非常緊接，都隔咗一段時間。（狄易達恭喜咗你未？）恭喜咗，喺大家嘅推動吓。（驚唔驚畀人再爆料？）唔驚，清楚我嘅人都知我係認真讀書嘅人，大部分時間都係讀書同實習。」
感謝麥明詩抽水
對於前港姐麥明詩在社交網站放了跟她的合照，再以「最唔公平」論去發文，被指有將Hera擺上枱以抽水之嫌，她為對方說好話：「我唔覺得，佢好nice，師姐好叻，佢寫得好好，而且佢放嗰張合照好靚。」至於后冠，Hera表示會先放在家中一陣子好好欣賞，再放保險箱保存。
男友冇送過讚飾
另外，鄧卓殷透露獲頒的鑽飾是她首次收到的鑽飾，會好好珍惜，問到拍拖六年的男友竟未送過她鑽飾？她解釋：「我哋都係學生，大家仲讀緊書冇錢，希望佢讀完書出嚟到做嘢搵到錢會買畀我。」而丁子田表示會將鑽飾放在家中欣賞再放保險箱，問到是否她收到最貴的首飾，她未有正面回答：「係個紀念價值好重要，對我嚟講都係咁貴重。」
來源 source: http://hk.on.cc
|
鍾意就快D Share啦！
|
|
|
