掃呢頁CODE去手機

2018年8月13日 星期一

《延禧攻略》靚皇后23歲時拍過知名港劇 你又估唔估到係邊套? __,延禧攻略,

唔知大家睇《延禧攻略》有無以下呢個難處:「啲宮女、妃嬪好似個個都差唔多樣,好難辨認。」得返大家都識嘅佘詩曼、奸角高貴妃,以及靚靚皇后辨認度較高,唔會認 ...




唔知大家睇《延禧攻略》有無以下呢個難處:「啲宮女、妃嬪好似個個都差唔多樣,好難辨認。」得返大家都識嘅佘詩曼、奸角高貴妃,以及靚靚皇后辨認度較高,唔會認錯。其中,靚靚皇后更憑高顏值突圍,獲得唔少觀眾大讚。飾演皇后一角嘅演員叫做秦嵐,或者大家已經唔記得,其實佢都曾經拍過港劇架。

《延禧攻略》喺大台已播咗一星期,飾演皇后嘅37歲秦嵐樣靚身材好,被媒體爭相報導佢嘅減肥保養秘訣,更發掘返佢2002、2003年拍《還珠格格3天上人間》飾演陳知畫時,只得廿一、二歲嘅靚樣,仲話瓊瑤曾經大讚:「秦嵐一滴淚,天上一顆星。」估唔到時隔15年,再次著上清庭服,秦嵐依然令人眼前一亮。

另外,睇返資料先至發現,原來秦嵐曾經拍過一套大家無睇過都會聽過嘅知名港劇--《我和殭屍有個約會III永恆國度》,係咪估佢唔到呢!

喺《殭屍III》入面,秦嵐飾演宋國將軍、岳飛個女。雖然資料顯示佢只係「特別演出」身份,但實際戲份唔少,唔單只同陳啟泰有感情戲,主要對手亦包括尹天照、萬綺雯,算係幾多發揮架。不過著上軍服嘅佢靚樣被掩蓋,比起《還珠格格》、《延禧攻略》而言吸睛度大減,難怪當年引唔起大家注意(可能只係因為「X你個街,亞視嚟嘅」)。

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

《延禧攻略》皇后

37歲秦嵐樣靚身材好。

穿上居家服亦很Girlfriendable。

秦嵐近日被媒體爭相報導佢嘅減肥保養秘訣。

《還珠格格3天上人間》陳知畫

她在《我和殭屍有個約會III永恆國度》中飾岳銀瓶

不過著上軍服嘅佢吸睛度大減

鍾意就快D Share啦!