43歲周迅同老公高聖遠結婚4年，近年兩夫婦很少公開露面，似乎漸行漸遠，盛傳佢哋已分居兩年！呢段日子，經常陪在周迅身邊的，是現年21歲嘅王菲女兒竇靖童，兩人多次被影到與你同行，情非泛泛！
周迅同童童年紀相差22年，兩人關係千絲萬縷，周迅曾經同李亞鵬拍拖，當年李亞鵬因為王菲同周迅分手，童童係李亞鵬嘅繼女；而童童嘅生父係大陸歌手竇唯，竇唯嘅堂弟竇鵬就係周迅首個圈內男友；在打埋算盤之下，周迅即係童童前繼父李亞鵬嘅前女友，亦即係堂叔竇鵬嘅舊愛，估唔到21年之後，童童與周迅建立忘年閨蜜情。
由去年10月至今，周迅被踢爆見童童多過見老公！去年10月18日周迅43歲牛一，竟然不是同老公高聖遠度過，當日周迅返老家衢州慶生，老公卻沒有同行，翌日童童被大陸傳媒影到千里迢迢到浙江為周迅送驚喜，兩人在餐廳食生日飯，不但一齊煲煙，周迅更為童童整理頭髮，眼神充滿寵溺，離去時兩人攬頭攬頸，雙雙坐車返抵周迅香閨。
去年11月，輪到周迅陪童童秘密來港睇騷，兩人現身中環海濱欣賞大型音樂節Clockenflap，兩年前童童為音樂節擔任表演嘉賓，今次以觀眾身份帶周迅捧場，雖然兩人戴cap帽打扮低調，但仍被其他觀眾認出，影相貼微博洩密。同年12月，童童見寧波車宗薩蔣揚欽哲時，對方親手為童童剃光頭，當時周迅亦陪伴在旁，兩人果然閨蜜情深有影皆雙。
到了今個農曆年，周迅老公高聖遠繼續冇影，兩夫婦沒有一齊過年，周迅反而帶童童返老家衢州見鄉親，同樣被網民影到相踢爆行蹤，有親友更上載同兩人合照上微博。直至今年7月初，兩人又孖公仔現身北京機場，雖然齊齊戴口罩遮樣，但一路行一路傾唔停，明顯感情好好。
|
鍾意就快D Share啦！
|
|
|
