掃呢頁CODE去手機

2018年8月13日 星期一

陳凱琳4次多謝嘉穎帶畀我永遠幸福 __,嘉穎,陳凱琳,凱琳,鄭嘉穎,

嘉穎與陳凱琳挽手步出教堂,接受大家祝福。
陳凱琳4次多謝嘉穎帶畀我永遠幸福拍拖三年多的陳凱琳與鄭嘉穎昨日在峇里成婚,相距22年的兩人開花結果!嘉穎大唱冧歌《一千個願意》娶得美人歸,講誓詞更講到 ...


陳凱琳4次多謝嘉穎帶畀我永遠幸福

拍拖三年多的陳凱琳與鄭嘉穎昨日在峇里成婚,相距22年的兩人開花結果!嘉穎大唱冧歌《一千個願意》娶得美人歸,講誓詞更講到喊,並向老婆承諾:「我會照顧你一生一世,I Love You So Much!」

快將49歲的鄭嘉穎與27歲前港姐冠軍陳凱琳(Grace)昨日在峇里完成人生大事,早上Grace戴上4.18卡鑽戒進行斟茶儀式,行禮則穿上低胸吊帶白色婚紗,束腰設計未覺有孕味。一對新人各自準備誓詞,新郎透露媽媽常問他甚麼時候結婚:「我同佢講可能生完BB先結婚,Sorry媽咪,嚇咗你咁耐!」對Grace講誓詞時更加冧爆:「你帶畀我嘅喜悅、快樂,係從來未試過,你令我想組織家庭,同你拍拖一年左右就向你求婚,但時機未成熟要等到今年,多謝你答應嫁畀我,無論以後條路係點,我哋一齊行落去,我會照顧你一生一世,I Love You So Much!」

拍拖第一日已好溫馨

而Grace就4度多謝嘉穎,緊張得邊講邊喊:「我好記得第一次同你見面,你第一句說話係:『你要多謝我,因為係我鼓勵咗個監製喺套劇用你。』」嘉穎則笑指:「我鼓勵咗好多監製。」令全場笑聲不斷。Grace續說:「當初我覺得呢個男仔好古怪,第一次見面就講咁嘅說話,估唔到我哋拍拖後,嗰句多謝係反映咗咁多意思。我多謝你,我係一個好冇自信嘅人,喺我失望、對自己好冇自信嘅時候,你一定鼓勵我要堅強、要釋懷,難過嘅時刻會過去,要諗住將來嘅開心,每一次你都係啱。多謝你,教識我做人,我同你喺埋一齊就變成我哋,我哋組織家庭之後就變成佢哋,我好期待同你組織家庭。多謝你,同你一齊好幸福,同你拍拖第一日就已經好溫馨、好有愛,雖然有啲人話過多幾年就會冇,但同你一齊嘅時候就有呢種感覺。多謝你,帶畀我永遠嘅幸福。I Love You。」

陳凱琳冧爆攬實嘉穎咀嘴!
  • 陳凱琳冧爆攬實嘉穎咀嘴!
陳凱琳戴上4.18卡鑽戒及金器,最重要有嘉穎錫到燶。

  • 陳凱琳戴上4.18卡鑽戒及金器,最重要有嘉穎錫到燶。
嘉穎與陳凱琳講誓詞時感動落淚。

  • 嘉穎與陳凱琳講誓詞時感動落淚。
陳凱琳父母見證愛女出嫁,笑不攏嘴!

  • 陳凱琳父母見證愛女出嫁,笑不攏嘴!

嫁女的陳媽媽與娶新抱的鄭媽媽,見到二人成家立室,齊齊感動流淚,而陳爸爸雖感不捨,仍強忍淚水,全程表現得相當興奮!

心跳加速 攬實啜爆

嘉穎接受電話訪問時,坦言婚禮令他很感動,見到Grace步入教堂一刻已忍不住流淚,又覺得婚禮與別不同,除誓詞外,雙方都講出對對方的感覺:「呢段係我哋兩個都好感動,多謝大家嘅祝福,多謝晒!」

Grace則透露行禮前叫嘉穎先去教堂,因不想他看到其婚紗Look,當自己着起婚紗就心跳加速,個肚囉囉攣,要深呼吸及翹實爸爸:「入教堂一刻,我見到全部人企起身歡迎我哋,行到最尾時忍住唔喊,但我望住嘉穎,佢已經流眼淚,估唔到佢比我早喊,我都忍唔住喊!」她直言感覺超現實,好開心有好老公,期待將來幸福快樂。二人亦感謝親友遠道而來觀禮。一對新人禮成後步出教堂,接受親友祝福及拋花球,由Grace的圈外朋友接到,新娘更在教堂前肉緊攬實老公咀嘴,Sweet爆!






鍾意就快D Share啦!