熱爆娛樂: 【又有福利派】50歲李婉華墨西哥晒噴血三點式穿2年前戰衣身材冇走樣 _

2018年8月20日星期一

【又有福利派】50歲李婉華墨西哥晒噴血三點式穿2年前戰衣身材冇走樣 __,李婉華,

50歲嘅李婉華移居加拿大多年，雖然生咗3子女，但個樣同身材一樣keep得好好，而佢每次去旅行，都會喺社交網派福利。好似近日咁，佢就去咗墨西哥渡假，今日婉華喺facebook放咗幾張三點式泳衣照，其中紅色嘅三點式盡騷fit爆三圍，真係又惹火又噴血。

睇番婉華呢件紅色戰衣，原來兩年前佢已經喺fb甫過，當年佢又係同仔女去墨西哥旅行，但今次只係婉華自己相，冇好上次咁甫晒大仔同一對孖仔跳起嘅相。不過，事隔兩年婉華再着番呢件紅色三點式戰衣，身材完全冇走樣，一樣好fit，證明50歲嘅佢真係keep得好好，名符其實美魔女。而估計婉華趁仲係暑假，於是同仔女去旅行享受吓家庭樂。

婉華一家五口經常四圍玩好開心，見佢哋又去滑雪又去camping，早排仲一齊佢去日本，婉華同個女仲一齊着晒和服四圍影靚相㖭。

婉華今日回覆《蘋果》，話今次係同家人到墨西哥Los Cabo 玩陽光與海灘，噚日已經由墨西哥返番去温哥華，佢又話:「見冇乜青春，留下倩影咁囉。那邊很熱，三十幾度，住在加拿大的人，也很喜歡去墨西哥的。我跑步keep fit ，很有效呢。」

精選娛聞，喺晒《娛果》

http://fb.com/appledailyent

李婉華身材十年如一日，穿上前年泳衣仍然fit到爆。(fb圖片)	兩年前與子女一齊去沙灘玩，活力十足。(fb圖片)	 李婉華又去咗墨西哥旅行，今日仲騷咗幾張泳衣相。(fb圖片)
 李婉華兩年前件三點式泳衣今日着番都仲係咁fit。(fb圖片)	 婉華今日喺fb騷身材，佢話見冇乜青春，所以留下倩影。(fb圖片)	 兩年前李婉華去墨西哥戰衣。(fb圖片)
 早排一家去滑雪。(fb圖片)	 兩母女去日本着和服影相。(fb圖片)