網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年8月21日 星期二

盤點《美女廚房》7大新地獄廚神!Bob大嗌:行開啦八婆! __,《美女廚房》,林盛斌,Bob,

Feature
盤點《美女廚房》7大新地獄廚神!Bob大嗌:行開啦八婆!無綫節目《美女廚房》第三輯開播兩個月為觀眾帶嚟唔少歡樂,除咗三位「銅腸鐵壁」嘅主持人同一眾嘉賓 ...


盤點《美女廚房》7大新地獄廚神!Bob大嗌:行開啦八婆!



無綫節目《美女廚房》第三輯開播兩個月為觀眾帶嚟唔少歡樂,除咗三位「銅腸鐵壁」嘅主持人同一眾嘉賓,神乎奇技嘅地獄廚神們當然係功勞不少!究竟煮啲咩可以逼到阿Bob(林盛斌)大嗌「行開啦八婆」呢?!快啲睇吓2018年《美女廚房》嘅新.地獄廚神,保證超乎大家對煮食嘅想像!

撰文:東方新地 | 圖片:TVB節目截圖、影視截圖







地獄廚神第一階段:生㗎!俾太陽曬都熟過佢哋煮!

《美女廚房》地獄廚神嘅一大特色,就係佢哋神乎奇技嘅烹飪方法,會令一切都煮唔熟,令人不禁懷疑佢哋煮咁耐究竟係煮咗啲咩⋯⋯溫馨提示:生嘢,真係唔可以亂食!

1. 吳若希25分!

吳若希嘅地獄菜式簡單嚟講就係「全生」雞卷伴「生」蠔汁!真係想問吓阿人妻,點解你舊雞煮完都係透明粉紅色嘅?點解嘅?點解完全係生嘅?

地獄廚神
仲笑得咁開心⋯⋯莫非就係傳說中嘅睇人_ _最開心?

玩咩?!點食啊真係生㗎!




難怪阿BOB會直接攞垃圾筒出嚟!





2. 朱晨麗29分!

朱晨麗嘅地獄菜式就係「液晶體流心瀨尿蝦」!唔好玩啦大佬,唔係所有嘢流心就係好食㗎!!!

唔好俾朱晨麗個靚女樣呃到⋯⋯

都唔好俾碟餸嘅遠鏡呃到⋯⋯




啲蝦係啫喱狀㗎!!!



連唔怕食生嘢嘅Jacques師傅都頂唔緊啊!



3. 劉佩玥29分!

見到劉佩玥拎住把刀去煎嘢嘅時候,在座嘅主持人同嘉賓都深知瀨嘢啦今次!原本嘅指定菜式係焗法國鵪鶉伴青豆蓉⋯⋯





阿BOB睇見劉佩玥咁煎法都覺得不安,就叫佢切開隻鵪鶉睇吓,點知⋯⋯

係紅色㗎!!!當堂成枱人都驚呼出聲!!!


輪到地獄廚神自己試食,睇嚟佢自己都唔敢食!因為曹永廉講得無錯,真係太陽曬都熟過佢煎啊!!

地獄菜式:「1成熟」鵪鶉


4. 蘇麗珊38分!

蘇麗珊要煮嘅指定菜式係「豬網油松露野菌伴薯仔麵糰」,但碟餸點睇都係得層皮熟嘅「全生」雞卷!!阿BOB喺蘇麗珊試食嗰時都忍唔住叫佢搵啲熟少少嘅位試!

但真係點都搵唔到啊嘛!!!


賣相都呃得下人

但唔好受到假象影響!!!!真係生到好似冇煮過咁!!!


啲雞肉,粉紅色、晶瑩剔透咁,真係用水淥一淥都熟過佢煮咁耐⋯⋯





《美女廚房》地獄廚神終極篇:熟嘅唔代表安全!

以為地獄廚神得呢啲斤兩,實在係太天真!!因為煮得熟唔代表擺得落口,咁先係地獄廚神嘅最高境界!

5. 湯洛雯 倪晨曦 負45分!

指定菜式原本係「避風塘無骨炸豬手 配 龍蝦湯凍」,而呢對撞樣姊妹花嘅地獄菜式就係「廚餘炸豬手 配 洗潔精龍蝦湯」!





姊妹花人當然靚,煮嘅餸賣相就真係麻麻喇!



而呢杯「龍蝦湯」,不但有洗潔精味,仲成功令所有主持人同嘉賓吐哂出嚟!真係今季第一次啊!





邊個估到「靚湯」湯洛雯煲嘅湯會咁難飲⋯⋯




6. 梁嘉琪 負45.9分!

梁嘉琪嘅菜式係「What the膝」配地獄洋蔥湯!但睇嚟佢都唔係好明點解自己會係地獄廚神⋯⋯依小編所見,通知呢類人先真係堅.地獄廚神⋯⋯





本來嘅指定菜式係「紅酒燴羊膝 配 法式洋蔥湯」,但梁嘉琪煲嘅湯就真係出哂事,炒完啲洋蔥無味都算,啲湯仲要黑黑地色!

嘔都唔夠,仲要推到碗湯鬼咁遠!老友黃宗澤都無眼睇啊!




張振朗飲完又嘔完之後,忍唔住大鬧:「真係What the膝 (英文「該死的」嘅諧音)!羊膝個膝啊!」



7. 鄧佩儀 負46分!

估唔到!鄧佩儀煮嘅餸竟然可以逼到阿Bob破口大罵:「行開啦八婆!」但蕭正楠助紂為虐就好開心咁喇!



呢道名為「埋嚟奶埋嚟椰」嘅菜式,鄧佩儀自己試食完都失控喪笑!好恐怖啊真係!!!!



啲料睇落都未熟⋯⋯實臭啦⋯⋯仲要一Pat嘢咁!

癡線㗎!!!!




好慘啊阿Bob!!!!



仲要食到喊!



張振朗喺後面食完花生就到佢食地獄料理 

臭㗎!!!




鄧佩儀仲要笑得好開心!不過小編都笑得好開心!
鍾意就快D Share啦!


Related Posts Plugin for WordPress, Blogger...