2018年8月9日 星期四

盤點葉念琛電影嘅歷代阿寶 除咗鄧麗欣仲有佢哋8個! __,葉念琛,鄧麗欣,

Feature
盤點葉念琛電影嘅歷代阿寶除咗鄧麗欣仲有佢哋8個!成世人流流長,總有一個「阿寶」喺附近。導演葉念琛出名鍾意將佢大部分電影中嘅女主角叫做「阿寶」,而呢啲女 ...


盤點葉念琛電影嘅歷代阿寶 除咗鄧麗欣仲有佢哋8個!



成世人流流長,總有一個「阿寶」喺附近。導演葉念琛出名鍾意將佢大部分電影中嘅女主角叫做「阿寶」,而呢啲女角色嘅經歷總會同大家生活中認識嘅某啲女生好類似!講起「阿寶」,又點可能唔諗起葉念琛嘅愛將鄧麗欣Stephy啊!不過,原來除咗Stephy,衛詩雅最近亦成為新一代「阿寶」。其實仲有唔少女星都做過「阿寶」,睇吓你識幾多個

撰文:東方新地 | 圖片:Instagram





新戲《#香港結婚有幾難?》衛詩雅成新「阿寶」

最近導演葉念琛同女演員衛詩雅雙雙喺Instagram度上傳新戲《#香港結婚有幾難?》劇本封面嘅相,仲好有默契咁Hash tag咗戲名、「一年一度」、同埋「阿寶」!咁睇嚟衛詩雅就係今年嘅新「阿寶」啦,佢仲問大家想邊個做男主角添!



近年衛詩雅都密密拍戲,都幾勤力吓!



 葉念琛愛將鄧麗欣:「阿寶」1.0

Stephy作為「初代阿寶」,於電影《獨家試愛》、《十分愛》、《我的最愛》、《保持愛你》、《失戀日》、同《紀念日》中多次飾演「阿寶」,順理成章成為大家心目中嘅「阿寶」始祖!

葉念琛電影 女角色



老實講,小編係完全分唔到呢一系列嘅阿寶究竟邊個打邊個嘅!好在,Stephy近年都有嘗試唔同戲路,等大家了解到佢作為演員嘅進步!



特別係2017年起至今,《空手道》、《藍天白雲》與《女士復仇》三部電影更令大家刮目相看!
葉念琛電影 女角色

鄧麗欣更憑《空手道》入圍過金像獎影后競逐影后寶座,相當勁!


 劉嘉玲:《我的情敵女婿》

劉嘉玲喺2018年賀歲愛情喜劇電影《我的情敵女婿》中飾演心理醫生鍾嘉寶(Dr.寶),係戲中嘉欣(衛詩雅飾)嘅後母,更係戲中梁華生(任達華飾)嘅初戀情人!

葉念琛(左一),劉嘉玲(中)


雖然有網民就表示「無人可以取替到Stephy做阿寶」,又話想葉念琛搵番Stephy同小方做主角。不過,小編覺得睇吓唔同演員做都好有新鮮感,劉嘉玲同任達華呢對夠哂估唔到



蘇麗珊:短髮「阿寶」

唔單止喺《我的情敵女婿》入面飾演劉嘉玲嘅年輕版,新晉演員蘇麗珊更於電影《愛情奴隸獸》中夥拍方力申做主角,接替鄧麗欣成為「阿寶」!短髮造型令蘇麗珊飾演嘅「阿寶」更有新鮮感,同鄧麗欣版「阿寶」嘅固有形象有啲唔同。



蘇麗珊飾演嘅「細寶」較為爽朗、更有「男仔頭」性格!



蘇麗珊近年都有喺無綫電視劇集出現,嘗試唔同類型嘅角色。



「馬子妮」蔣家旻飾援交少女「寶」

因為喺無綫處境劇《愛.回家》飾演馬子妮,成功入屋嘅蔣家旻喺葉念琛電影《第一次不是你》中破格飾演為病母籌錢嘅援交少女「寶」,仲有性感演出,可以話係擴闊咗戲路。



雖然拍大台嘅電視劇令蔣家旻更加有觀眾緣,但都某程度上限制咗佢嘅戲路。



視后佘詩曼:《人約離婚後》

佘詩曼喺《人約離婚後》中飾演阿「寶」,喺戲中同方力申飾演嘅「強」離婚後,又與阿杰(羅仲謙飾)擦出愛火!視后佘詩曼嘅演技早已被觀眾認可,而喺《人約離婚後》同葉念琛合作,再加上其他喺大台未合作過嘅演員,更係有種獨特嘅火花!

葉念琛電影 女角色

[adinserter name="Post_LREC2_300x250"]
葉念琛電影 女角色

 



周秀娜:《猛鬼愛情故事》

周秀娜原來都曾於2011年嘅懸疑恐怖電影《猛鬼愛情故事》中飾演何美寶!近年嚟娜姐轉換戲路,收起「峰」芒,轉而以演技實力取勝,喺2018年更以《29+1》中的一角獲金像獎最佳女主角提名!



電影《猛鬼愛情故事》首映會照片

電影《29+1》宣傳


周秀娜近年喺電影、電視圈都有亮眼表現,特別最近喺無綫劇集《宮心計2深宮計》中飾演鄭純熙(鄭昭儀)一角,被網民熱議。


王菀之:《Delete愛人》賢淑女友鍾家寶

王菀之喺2014年開始,就定期有接拍電影,而《Delete愛人》就係Ivana早期啲嘅作品。佢喺戲中飾演蘇波榮(王祖藍飾)嘅女友鍾家寶,呢個阿寶就比較文靜內向,賢淑少少嘅~



電影《Delete愛人》宣傳





簡幗儀 Lilian Kan都係「阿寶」?!

呢位「阿寶」係咁多位入面最令小編驚訝嘅阿寶!!!原來葉念琛同女神Lilian都有合作,不過唔係真係拍電影,而係其中一個內地視頻網嘅短視頻影片《阿寶的戀愛日常》~



唔知第時Lilian會唔會真係再同葉念琛合作拍電影,小編到時一定支持喎!



鍾意就快D Share啦!
Related Posts Plugin for WordPress, Blogger...