掃呢頁CODE去手機

2018年8月27日 星期一

【傳9月復出】昔日閨密爆與李晨分手 身在美國范冰冰憔悴現身? __,冰冰,李冰冰,李晨,范冰冰,

(互聯網圖片)
大陸女星范冰冰早前因為「陰陽合同」,捲入逃稅風波,有指佢被軟禁喺北京半步橋招待所,屬於指定居所監視居住,更稱這招待所每日的房租約1,000元人民幣(約 ...


大陸女星范冰冰早前因為「陰陽合同」,捲入逃稅風波,有指佢被軟禁喺北京半步橋招待所,屬於指定居所監視居住,更稱這招待所每日的房租約1,000元人民幣(約1,140港元),范冰冰在獲准離開時要一次付清「住宿費」。( 新聞連結: https://bit.ly/2PbQJTF )



消失近兩個月嘅范冰冰,就有網民喺社交貼出喺停車場地庫巧遇冰冰嘅相,網民仲話自己好掛住范爺,相中見到素顏嘅冰冰臉容憔悴,清晰見到一雙黑眼圈,但手上就好清楚見到佢戴上綠寶石鑽戒,但睇真啲,冰冰所着嘅服飾,同佢2016年到台灣出席電影《我不是潘金蓮》活動時嘅服飾,完全一樣,連手上嘅鑽飾亦一樣,所有估計只係網民嘅炒作,引人注意。



此外,曾於電影《夜宴》中擔任章子怡裸替嘅大陸藝人邵小珊,本身與范冰冰情同姊妹,但後來就反面,邵小珊就喺微博到爆料,話范冰冰目前已經飛咗去美國,仲話李晨同范冰冰應該已經分手。由於佢之前都曾亂亂爆「趙薇給她大麻」、「范冰冰趴馮小剛大腿」遭2人提告,最後刪文道歉,由於有前科,所以好多網民都質疑佢嘅講法,有傳媒亦曾聯絡冰冰的經理人,但電話就未能接通,未能取得回應。



行蹤成迷嘅范冰冰,亦有知情人士指,話佢今年9月中旬就能平安歸來,並復出參加泰國綜藝節目。剛巧冰冰嘅生日恰好是9月16日,所以佢可能會選擇生日當天宣佈復出。至於同李晨分手一事,有指范冰冰嘅姨媽向外界透露,話佢哋兩個已經領證,目前只係將婚禮延期舉行。



精選娛聞,喺晒《娛果》

http://fb.com/appledailyent



有網民貼出冰冰嘅相,見到冰冰臉容憔悴,但相中服飾與16年,冰冰到台灣宣傳電影時嘅一模一樣。(互聯網圖片) 有網民貼出冰冰嘅相,見到冰冰臉容憔悴,但相中服飾與16年,冰冰到台灣宣傳電影時嘅一模一樣。(互聯網圖片)
但冰冰2016年到台灣宣傳電影《我不是潘金蓮》時嘅一樣。(資料圖片)

但冰冰2016年到台灣宣傳電影《我不是潘金蓮》時嘅一樣。(資料圖片)
李晨向范冰冰求婚時情況。(資料圖片)

李晨向范冰冰求婚時情況。(資料圖片)
冰冰昔日嘅閨密指冰冰身在美國,又話佢同李晨已經分咗手。(資料圖片)

冰冰昔日嘅閨密指冰冰身在美國,又話佢同李晨已經分咗手。(資料圖片)

鍾意就快D Share啦!