2018年8月7日 星期二

《東張》主持梁麗翹 呻家傭幫穿羊水唔幫手 仲嫌B女喊好嘈⋯ __,梁麗翹,

梁麗翹
《東張》主持梁麗翹呻家傭幫穿羊水唔幫手仲嫌B女喊好嘈⋯現年32歲《東張西望》靚女主持梁麗翹(Nicole)去年二月同圈外男友結婚,二人婚後火速造人成功 ...


《東張》主持梁麗翹 呻家傭幫穿羊水唔幫手 仲嫌B女喊好嘈⋯



現年32歲《東張西望》靚女主持梁麗翹(Nicole)去年二月同圈外男友結婚,二人婚後火速造人成功,今年五月誕下B女Nanette,現時專心湊女的Nicole得閒就update吓社交網,分享湊B生活,母愛盡現。不過今日佢就自爆暫別幕前親自湊女,原因係關於家傭……

撰文:東方新地、| 圖片:梁麗翹Facebook、Instagram





梁麗翹 長文呻家傭

Nicole喺社交網甫出長文,佢話早喺囡囡未出世時,已經請咗個履歷啱晒心水嘅家傭,咁早請目的希望對方可以早啲適應,盡快融入佢哋家庭,點知一見真人就出事,呢位菲傭姐姐唔識煮飯、唔做家務,最後仲要Nicole老公煮埋畀佢食,最大問題仲係對方原來唔識照顧BB,好似唔識洗奶樽、唔睇洗衣液說明等等,不過最過分係Nicole半夜穿羊水入醫院,兩公婆跌跌撞撞趕住「走佬」,見菲傭姐姐房間嘅燈開住,但係竟然完全冇出房幫忙,問都唔問,搞到Nicole自己都大嗌失望。



不過終極令Nicole決定唔再請呢位家傭嘅係佢第一晚出院,BB同菲傭姐姐同房,當時BB喊,Nicole抱咗BB出去餵奶之後,對方問佢:「可否閂咗道門?」





其實最緊要係BB健康,自己湊可以見證BB成長又安心,未常唔係一件好事!



梁麗翹造人秘訣 計日子同做運動

梁麗翹其實自懷孕後身體經常不適,容易作嘔又易攰,幸得體貼老公照顧,所以辛苦但值得!Nicole向母親及友人公布喜訊,大家都戥她高興:「當時我未知BB係仔定女,老公就知道,佢安排我切完蛋糕就用顏色宣布,好有心思!」Nicole仲話預產期係明年五月,暫時希望順產,除非醫生建議開刀。

梁麗翹

梁麗翹生日順道宣布懷孕,朋友親友都好戥佢開心!


梁麗翹

《東張西望》主持工作方面,梁麗翹話監製對佢好好,唔會派佢做外景,主要做廠主持工作。


梁麗翹

好友們知道梁麗翹懷孕後,雖然未知BB性別,但買齊粉紅色同粉藍色襪仔送畀佢!


梁媽媽聞囡囡懷孕 開心狂笑

Nicole晚上在IG貼咗條片,佢原來用神秘方式向媽媽宣布喜訊,原來梁麗翹送咗件印住「GrandMa is my name.Spoiling is my game」嘅衫仔畀媽咪,梁媽媽好開心咁拎住笑話咁細件,要減肥至穿得下,當時佢仲未明囡囡嘅意思⋯⋯



望BB超聲波相 開懷笑

Nicole見阿媽仲未明,就引導問佢唔明件衫係咩意思,梁媽媽當堂俾佢拋窒,就話:「字面我知點,咁有乜嘢深層意義?」於是Nicole拎張超聲波相俾佢睇,梁媽媽O晒嘴,之後好驚訝問咗多次:「吓?真㗎?真㗎?」之後一直拎住張超聲波相甜笑。就嚟做婆婆,梗係開心



兩次求婚

梁麗翹係2011年港姐選美奪得「國際親善小姐」和「旅遊大使」,之後多做主持工作,去年她在微博宣布男友求婚,更大晒梨形婚戒,談到求婚過程,梁麗翹說:「當然係好溫馨、好甜蜜,佢分別喺上海同香港同我求婚,畀驚喜我,準備咗好多花,其實佢喺香港求婚時,我已經應承咗,不過佢本身Plan咗喺上海求,所以我好着數,有人向我兩次求婚!」

梁麗翹

梁麗翹話男友在香港求婚時己答應,但他一心想在外地求婚,所以在上海再求婚!


二月結婚

梁麗翹二月在美國同圈外男友結婚,其後返港復工,她在九龍站的一間酒店補擺喜酒同親友分享喜悅,下午時份與好姊妹莊思敏、莊思明、莊思華、彭慧中、劉晨芝及謝文欣在總統套房拍照!










鍾意就快D Share啦!
Related Posts Plugin for WordPress, Blogger...