網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年8月21日 星期二

董敏莉產檢發現肌瘤 跟BB共存子宮 __,董敏莉,敏莉,

董敏莉陀B五個多月,要學孕媽瑜伽紓緩腰痠背痛。
董敏莉陀B五個多月,要學孕媽瑜伽紓緩腰痠背痛。十月懷胎不簡單,37歲的董敏莉(Monie)與老公莊耀金結婚兩年,上月公佈懷孕四個月。Monie表示第一 ...


十月懷胎不簡單,37歲的董敏莉(Monie)與老公莊耀金結婚兩年,上月公佈懷孕四個月。Monie表示第一次產檢時,發現有子宮肌瘤跟BB共存,一度非常擔心,由於肌瘤位置近產道,醫生暫不建議她順產,只能靜觀其變。Monie現時每天保持開朗心情安胎,期待年底見到小寶寶,由於肚子變大,腰痠背痛,她更去學孕媽瑜伽紓緩筋骨。



董敏莉前年嫁律師老公莊耀金,上月自爆有「第三者」,現陀B約五個多月,預產期在今年12月。由於肚子逐漸變大,令她腰痠背痛,甚至出現腳抽筋情況,距離「卸貨」至少還有四個月,Monie決定向瑜伽導師如楓拜師,學幾招大肚瑜伽紓緩筋骨。訪問當日,導師見Monie是初學者,只教她貓式、扭轉式、戰士式和樹式等入門動作,由於難度不高,Monie輕鬆做到。

Monie談到陀B情況,她表示早前跟老公及家人去大阪babymoon旅行:「啱啱去完大阪旅行,行好多街,腳有啲腫,我又唔敢搽按摩膏,休息為主。有時腳會少少抽筋,可能啲筋緊啲,老公有同我『鍊』吓。」雖然首次懷孕,但Monie知道孕婦情緒好重要:「我每日都好開心,仲買咗BB心跳機,平日一周聽一、兩次,但去旅行會擔心啲,每日都聽。每日都同BB傾偈,去景點、出街都同佢講。BB喺20周已識聽嘢,佢開始接收聲音,我都有播歌佢聽,今日嚟訪問做瑜伽,我都有同BB講。」



董敏莉表示老公莊耀金會陪入產房剪臍帶。資料圖片 董敏莉表示老公莊耀金會陪入產房剪臍帶。資料圖片

初孕嘔吐勁

暗示生女的Monie,仍未感覺到BB在肚中踢動,她說:「反而有彈吓彈吓,可能佢仲好細隻,未有話胎動,遲啲先會,醫生話佢𠵱家喺我肚中游水。」Monie指初孕嘔吐犀利:「又嘔又食唔到,瞓唔好,𠵱家情況穩定番,初初有幾個月我停晒冇做運動,成日瞓,𠵱家BB開始大,人會易攰,頸開始緊,所以今日做吓瑜伽,拉吓筋係好啲,我都會盡量keep住做吓。」

BB的預產期在12月初,Monie仍未決定剖腹還是順產:「第一次產檢,醫生話發現我有子宮肌瘤,位置近產道,可能冇得揀順產,但醫生話有機會會改變,可以遲啲先決定。𠵱家每次產檢,都會睇吓肌瘤大細,暫時BB喺上面,肌瘤喺下面,唔會影響大家。開頭知道子宮有個肌瘤,我都驚,我有上網睇肌瘤對BB有乜嘢影響,好彩位置唔影響,只影響生產方法,都OK。」



瑜伽導師指導董敏莉(右)做雙手合十等瑜伽伸展動作。

瑜伽導師指導董敏莉(右)做雙手合十等瑜伽伸展動作。

老公剪臍帶

老公早答應陪入產房打氣,Monie說:「佢要剪臍帶。」不少剪過臍帶的星爸都形容似「剪豬腸」,Monie說:「佢未練,佢有問我,我都聽講唔容易剪。」問Monie還會再生嗎?她說:「生咗呢個先,呢幾個月以嚟每日都有唔同感覺,係開心嘅,但唔同階段,去產檢時都有唔同嘅擔心,生咗一個先再諗。媽咪已經催定我再生,心急過我。」

身形瘦瘦的Monie肚子不算大,她表示只重了約5、6磅,是正常標準:「之前成日嘔,體重輕咗,呢排有番胃口,體重先追番,陀B後胃口變咗,我鍾意食皺皮瓜同水果。」Monie笑言兩夫婦已用公仔模擬真B練習換尿片和抱抱。

撰文:陳杰

攝影:沈建程

服裝提供:Fila

場地提供:eliment FitLax(V-Point)



【婦女常見子宮肌瘤】

陀B的董敏莉,產檢時發現俗稱「纖維瘤」的子宮肌瘤,是婦女常見的疾病,通常屬於良性。患者大多是做例行檢查時發現子宮脹大,又或者懷孕時接受超聲波檢查而發現。

子宮肌瘤成因不明,有研究顯示與女性荷爾蒙雌激素分泌有關,例如服用含有雌激素藥物、肥胖、壓力等影響,均有機會增加患病風險。子宮肌瘤不一定要立即切除,可選擇觀察、藥物緩和症狀、荷爾蒙療法或利用較新的「子宮動脈栓塞手術」等方法治療。




鍾意就快D Share啦!


Related Posts Plugin for WordPress, Blogger...