網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年8月25日 星期六

【《全民造星》評判唔掂】評語廢到一個點 導師劉美君監製花姐扯火 __,劉美君,

(資料圖片、電視截圖)
「你個頭搞乜?」、「你覺唔覺得Oscar呢個名比較普通」、「啲帽點解要掟?」大概,參加ViuTV真人騷《GoodNightShow全民造星》嘅參賽者, ...


「你個頭搞乜?」、「你覺唔覺得Oscar呢個名比較普通」、「啲帽點解要掟?」



大概,參加ViuTV真人騷《Good Night Show全民造星》嘅參賽者,點都唔會諗到表演完會得到以上嘅評語。



冇錯,呢個被譽為係由全香港娛樂界合力「打造」(非港語)偶像巨星比賽嘅節目,最新嘅星級評判團,就係合作伙伴之一「中國3D數碼娛樂」嘅五位代表,而當中俾網民鬧得最多嘅,就係蕭定一、張建聲同吳漢邦。



點解俾人鬧?咪就係因為佢哋畀咗上面嗰堆評語,搞到無論節目監製花姐、導師,以及觀眾,都覺得佢哋嘅評語廢到一個點!



事緣呢個星期播出《全民造星》第28、29集入面,當一眾參賽者表演完後,身為評判嘅張建聲,竟然問:「你個頭(髮型)搞乜?」廢?未算,皆因蕭定一嘅評語就完全廢到你諗一世都未必諗到:「你覺唔覺得Oscar呢個名比較普通啲?會唔會好容易同人撞名?」、「喺我腦裡面,印象最深嘅就係Stanley嘅胸肌,所以我就揀A組。」



至於身為導演兼監製嘅吳漢邦,就非常執著咁問參賽者點解要掟嘢:「啲帽點解要掟?」、「做乜要掟啲眼鏡?我見唔到有乜原因要咁做……」呢啲咁嘅評語,令到身為導師嘅卓韻芝忍唔住話佢哋hea、Eric Kwok話佢哋淨係識抨擊人個名、髮型,就連《全民造星》嘅黑面監製花姐,都忍唔住鬧爆:「可唔可以講啲有意義嘅嘢?你由開場到o依家,都冇講過有意義嘅嘢呀!火都嚟埋呀真係!」



花姐又指作為一個參賽者,就算輸咗,都會期望得到嘅評語係關於表演:「作為評判,我覺得對表演者都應該有個尊重,因為我覺得,作為參賽者,就算我比賽表現好唔好,我都希望得到一個comment,係話畀人聽,我呢個表演有乜嘢好、有乜嘢唔好:就算我輸贏唔重要,最少我知道自己好唔好,否則我冇必要咁辛苦去練一個item。但原來我得到嘅係你問我『個名點解叫Oscar?』咁普通,我諗就算贏嗰方聽到個comment都會唔舒服。」



而導師之一劉美君,更因為呢班星級評判將表演當成戲劇咁去評審,忍唔住喺後台爆咗句:「頂你個肺!」再衝出舞台同佢哋對質:「我聽到你哋咁評我就覺得好唔fair!佢哋係諗緊一個表演...我都好奇怪唔知點解我啲仔變咗戲劇,我覺得好唔fair,我唔想有唔公平嘅出現!」



而一眾網民,對於呢班星級評判嘅表現一面倒彈到爆:「全民要求換晒班垃圾評判,自己都係二打六嘅時候,邊有資格去評人,係無綫仲係五、六線藝人,嚟到變咗周潤發,笑大人個口」、「垃圾評審。真係睇到火都嚟依班所謂評審。」、「Viutv請得呢班人做評判就預咗架啦下話,連趙永洪同吳漢邦呢啲咁嘅質素都請得上嚟做評判喎,Viutv唔係真係expect佢哋上到嚟真係會俾到啲咩資格評語呀,咪玩啦。」



而對於劉美君呢個衝出台對質嘅舉動,大家都好支持:「支持劉美君,要公平,現在啲評判,好垃圾。」、「劉美君嗰下『頂你個肺』頂得好好聽。」、「其實劉美君真係好勇敢,我諗佢係因為睇足咁耐啲評判講嘢不知所謂,所以先忍唔住出去小嗰班人。」



精選娛聞,喺晒《娛果》

http://fb.com/appledailyent



(資料圖片、電視截圖) 《全民造星》監製花姐(資料圖片) 《全民造星》監製花姐(資料圖片)
導師劉美君(資料圖片)

導師劉美君(資料圖片)
蕭定一睇胸肌畀分(電視截圖)

蕭定一睇胸肌畀分(電視截圖)
到底人名同表演可以扯得上乜關係呢?(電視截圖)

到底人名同表演可以扯得上乜關係呢?(電視截圖)
喺張建聲眼中,就連髮型都關事嘅(電視截圖)

喺張建聲眼中,就連髮型都關事嘅(電視截圖)
表演嗰陣掟嘢又唔得(電視截圖)

表演嗰陣掟嘢又唔得(電視截圖)
嬲爆嘅花姐覺得評判評語冇意義(電視截圖)

嬲爆嘅花姐覺得評判評語冇意義(電視截圖)
劉美君亦忍唔住,講完句「頂你個肺」就衝出房(電視截圖)

劉美君亦忍唔住,講完句「頂你個肺」就衝出房(電視截圖)
上台同評判對質(電視截圖)

上台同評判對質(電視截圖)
網民支持劉美君嘅做法(網上截圖)

網民支持劉美君嘅做法(網上截圖)
又有網民表示呢啲長到記唔到嘅名,一定唔會同人撞名(網上截圖)

又有網民表示呢啲長到記唔到嘅名,一定唔會同人撞名(網上截圖)
網民插爆評判評語(網上截圖)

網民插爆評判評語(網上截圖)

鍾意就快D Share啦!