掃呢頁CODE去手機

2018年8月16日 星期四

【閃婚逐對捉】阿嬌愛情路迂迴 閃婚幸福結局 娛樂圈興閃婚? __,阿嬌,鍾欣潼,

【閃婚逐對捉】阿嬌愛情路迂迴閃婚幸福結局娛樂圈興閃婚?緣份嘅嘢真係好奇妙,一見鍾情,一拍即合呢家嘢,真係唔到你唔信。近年娛樂圈有唔少藝人都失驚無神宣佈 ...


  • 【閃婚逐對捉】阿嬌愛情路迂迴 閃婚幸福結局 娛樂圈興閃婚?


  • 緣份嘅嘢真係好奇妙,一見鍾情,一拍即合呢家嘢,真係唔到你唔信。近年娛樂圈有唔少藝人都失驚無神宣佈結婚,皆因佢哋喺「對的時間,遇上對的人」。即刻睇吓以下閃婚藝人,究竟有幾「即興」。

    張馨予 何捷

    吳卓羲舊愛內地女星張馨予日前宣佈婚訊!當年同吳卓羲拍拖時,張馨予憑住一張床照成功出位,吳卓羲微博離奇出現咗佢嘅床照,有指係佢為咗宣示主權而咁做,最後兩人拍拖冇耐就分手。事隔多年,31歲嘅張馨予近日忽然喺微博貼出鑽戒同婚紗相,宣佈已婚,老公何捷係內地反恐特工,兩人因參加真人騷《奇兵神犬》而撻着。

    鍾欣潼 賴弘國

    歌手鍾欣潼(阿嬌)愛情路迂迴曲折,入行多年拍拖多次都分手收場。去年年尾,阿嬌高調認愛,承認與有台灣「醫界王陽明」之稱嘅賴弘國(Michael)熱戀。兩人拍拖半年就爆出婚訊,今年5月兩人喺洛杉磯舉行婚禮,場面溫馨又感人。成為人妻嘅阿嬌心情靚爆,就算婚後同老公Michael分隔兩地,都無阻佢哋繼續幸福落去。

    大S 汪小菲

    台灣藝人徐熙媛(大S)與富二代老公汪小菲識咗僅僅20日,就已經認定對方為終身伴侶。因此,好多人極度唔睇好佢哋呢段婚姻。2010年結婚至今,已經8年啦,大S同汪小菲依舊甜到漏,大S曾指對老公一見鍾情,同老公相遇對望嗰一刻,內心已經暗地裡認定佢係嘅真愛。兩人依家育有一子一女,家庭幸福美滿。

    郭富城 方媛

    四大天王之一嘅郭富城,向來處理感情都非常低調。城城與拍拖多年嘅熊黛林分手後,2015年忽然喺微博上載拖手相,大方宣佈同內地嫩模方媛(Moka)嘅戀情。兩人上年奉女成婚。今年31歲嘅方媛為52歲嘅城城生咗愛女Chant,榮升做老竇嘅城城,每次提起個女都特別風騷,果然係有女萬事足!

    鍾意就快D Share啦!