2018年8月30日 星期四

放大假搵真銀 胡定欣:冇開劇都快半年! __,定欣,胡定欣,

胡定欣
放大假搵真銀胡定欣:冇開劇都快半年!胡定欣早年專注拍劇,甚少外出搵真銀。今年中開始休假的她終於踏出第一步,參與電影和舞台劇的演出,加上《深宮計》早前在 ...


放大假搵真銀 胡定欣:冇開劇都快半年!



胡定欣早年專注拍劇,甚少外出搵真銀。今年中開始休假的她終於踏出第一步,參與電影和舞台劇的演出,加上《深宮計》早前在國內熱播,飾演皇后的胡定欣更食住個勢狂賺人仔,短短半年就勁袋約700萬!

撰文:東方新地|圖片:新傳媒圖片庫、





胡定欣挾皇后勢 半年袋700萬

胡定欣在《深宮計》的皇后一角由頭演到尾,就連主題曲都是她主唱,劇集早前在國內熱播,食住個勢狂賺人仔。

胡定欣



近年坐穩無綫首席花旦之位,胡定欣身價十級跳,短短半年袋700萬絕對不是夢。



放大假搵真銀

舞台劇

胡定欣早年專注拍劇,甚少外出搵真銀。今年中開始休假的她終於踏出第一步,參與電影和舞台劇的演出,而且成績相當唔錯,當中與馬浚偉首次合演舞台劇《偶然‧徐志摩》叫好叫座。



上月做完舞台劇,胡定欣與馬浚偉即起程去多倫多走埠登台,日前她又去杭州表演,人氣急升的她唱得演得,多才多藝。



(@nwuuu)分享的貼文 於 張貼





(@nwuuu)分享的貼文 於 張貼



品牌代言

形象健康的胡定欣深受廣告客戶歡迎,難得唔使開劇,她揚言要趁這段時間狂接代言工作賺外快。



於 張貼



拍鎮宇轉戰影壇

由胡定欣擔正做女一的處女電影《逆流大叔》票房衝破600萬,贏盡口碑,吳鎮宇揚言要再搵胡定欣開拍《逆流大嬸》,靠實力令事業攀上頂峰,胡定欣開到口話好想拍電影,分分鐘學佘詩曼、胡杏兒和楊怡等離巢搵真銀。



胡定欣:冇開劇都快半年!

上周六(25日),胡定欣就冇份拍新劇《曼谷唐人街》作出回應,她表示不介意冇份,監製選角有他自己的喜好,可能是角色根本不適合自己。



記者:見你最近都好忙喎!

胡定欣:遲幾日要返大陸做嘢,跟住會去澳洲拍旅遊特輯,再去瑞士。

記者:依家放緊大假?

胡定欣:係呀!全世界都知我放緊假,總之呢段時間就唔使開劇,放幾耐唔知㗎!對我嚟講唔使開劇就係放假㗎喇!冇開劇都快半年。



記者:咁放大假有咩計劃?

胡定欣:我嘅計劃就係賺外快。

記者:最近《城寨英雄》同《同盟》原班人馬開拍新劇《曼谷唐人街》,究竟係你唔拍定飛起你呀?

胡定欣:哦!冇啲咁嘅事,唔好亂咁揣測,其實我一路都係冇份拍嘅!我都唔喺個list入面,咁可能個角色唔適合我,所以唔需要囉!



記者:會唔會想憑《深宮計2》再拎視后?

胡定欣:冇喇!冇諗到喇!其實真係覺得自己已經好幸運。

記者:依家接劇會唔會揀啲自己未做過嘅角色去做?

胡定欣:總之未做過嘅角色,未合作過嘅人我都有興趣,但係工作上嘅嘢都係等待公司去安排。



記者:近排又拍電影又做舞台劇,係咪好想再做呢方面嘅嘢?

胡定欣:嘩!電影當然係好希望再拍今年我真係好充實,終於試咗舞台劇同電影,今年暑假劇集、舞台劇同電影一樣成績都好好喎!我唔會將自己規限於邊一瓣去發展,總之邊個範疇有適合我嘅,而我又好想做就會去做。

記者:係咪想以後一年拍一套劇?

胡定欣:冇!我哋做呢行好被動嘅!監製覺得你適合呢個角色自然會搵你,我呢十六年喺無綫都係咁過。



記者:之前同張振朗傳緋聞,急唔急搵男友同結婚?

胡定欣:都係花邊新聞嚟嘅,呢啲真係冇得急。

鍾意就快D Share啦!
Related Posts Plugin for WordPress, Blogger...