2018年8月28日 星期二

張敬軒:軒仔工藤佑采互換頭像 網友激動嗌喜事近! __,工藤佑采,張敬軒,軒仔,

做到咁出面,軒仔同工藤佑采好似有啲嘢喎!中日混血兒落選港姐工藤佑采,喺香港小姐競選中被「鞭屍」,出局都仲要跳舞暖場搞到佢黑晒面,成為網民熱話。尋日歌手 ...


做到咁出面,軒仔同工藤佑采好似有啲嘢喎!


中日混血兒落選港姐工藤佑采,喺香港小姐競選中被「鞭屍」,出局都仲要跳舞暖場搞到佢黑晒面,成為網民熱話。尋日歌手張敬軒(軒仔)就將IG嘅頭像轉咗做工藤佑采,而工藤佑采亦即刻Cap圖發文。

行動再升級

今日工藤佑采行動再升級,直頭將自己個IG頭像換做軒仔個樣,留言話「呢期潮流興玩交換頭像」,有網友留言問佢係咪鍾意軒仔,又好好奇佢哋係咩關係,但佢只係應咗句「唱歌好聽香港唔多」,睇嚟好欣賞對方。而軒仔IG就湧入大批粉絲留言,大家都好關心佢同工藤佑采有冇發展機會,有網友更話:「皇上春風滿面#喜事近😁」仲有網友催佢快啲解決終生大事!

藝人唔係得一個類型

此外,工藤佑采仲有回應番當日「黑面」:「外國都有好多唔同類型嘅藝人明星、唔一定係要笑唔停,我本身冇表情就係咁樣Poker Face,女王的教室天海祐希都係成日黑面,渡邊直美就好搞笑,藝人都唔係一定要得一個類型~」畀網友大讚佢同軒仔一樣咁有趣,仲睇好佢會紅。最搞笑係有唔少網友都跟風用埋同一個頭像,睇嚟大家都好支持工藤佑采嘅真性情喎!

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!
Related Posts Plugin for WordPress, Blogger...