掃呢頁CODE去手機

2018年8月31日 星期五

【享齊人之福識計數】踎茶記 冇豪宅 唔買名牌 鄧兆尊平養三頭家 (足本版) __,兆尊,鄧兆尊,

係人都知五十有一嘅鄧兆尊,同老豆新馬師曾一樣,感情生活多姿多彩。大婆Carman,二奶車厘子,仲有最得寵嘅骨妹三奶,咁都未夠喎!最近仲殺出個新歡,好有 ...




係人都知五十有一嘅鄧兆尊,同老豆新馬師曾一樣,感情生活多姿多彩。大婆Carman ,二奶車厘子,仲有最得寵嘅骨妹三奶,咁都未夠喎!最近仲殺出個新歡,好有潛質做四奶。唔好以為兆尊咁有女人緣,一定要大灑金錢!

錯晒無論衣食住行,兆尊都可以用最低成本,氹得掂幾個女人,真係唔少男仕嘅偶像呀!講大婆先身家過億嘅兆尊靠父蔭,同大婆住喺老豆剩落嘅灣仔永祥大廈。二奶車厘子就被安排住喺附近嘅菲林明道,同三奶只係一街之隔。 將三房的好妥貼安置晒喺灣仔舊樓,方便兆尊點燈之餘,平時出街就可以一架車一個司機,搞掂晒

加上兆尊絕對唔會縱女人,Hermes 、Chanel ,名牌一律免問!連平時打扮得最花枝招展嘅二奶車厘子,見佢著上身嘅都係平價貨,係得個舊款Gucci 手袋最值錢。雖然兆尊平時好鍾意一拖三去shopping ,不過睇親都係平民牌子。好似前排《壹仔》就撞到兆尊帶住車厘子同新歡,去咗買牛仔褲。一人一條,都係一千蚊有找,就已經㝽到兩個女人開開心心,抵到爛

對於食方面,兆尊一樣唔講究。平時同三房開餐,都係去下茶記。《壹仔》仲見過佢同阿二、阿三喺銅鑼灣掃街,咁又一餐喇!種種跡象顯示,兆尊嘅女人,真係個個對佢講心唔講金。

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鍾意就快D Share啦!