掃呢頁CODE去手機

2018年8月9日 星期四

爆相爆片:情傷少女半裸魂遊馬路 __,

■疑為情所困嘅少女,只穿內褲在馬路上行走。
■疑為情所困嘅少女,只穿內褲在馬路上行走。一個長頭髮染咗些少金毛嘅少女,淨係着住內褲、無上裝、冇着鞋喺條馬路度浪蕩,其間又喊又叫,見到都心酸,究竟受咗 ...



一個長頭髮染咗些少金毛嘅少女,淨係着住內褲、無上裝、冇着鞋喺條馬路度浪蕩,其間又喊又叫,見到都心酸,究竟受咗乜嘢刺激令到佢咁失常呢?前日下晝4點幾,讀者陳先生放工後沿長沙灣道向深水埗方向行去搭巴士,行到近長沙灣消防局嘅行人天橋底嗰陣,聽到前面有人大嗌。




的士避開唔敢載

當佢行近嘅時候,就見到個年約20歲嘅女仔,喺3線行車嘅長沙灣道向荔枝角方向慢線,逆線而行。陳先生話初時見個女仔好似想截的士,有架的士駛埋去,但懷疑司機見到個女仔冇着衫,唔敢載佢,切去中線避開佢,其他車見佢喺慢線行都避之則吉。

個女仔繼續行到去長沙灣遊樂場對開嘅巴士站,行番上行人路踎喺地下大叫大喊,好似打電話。陳先生話個女仔情緒非常激動,淨係聽到佢大嗌「聽電話呀」,言語間似係同情人鬧交,但其他都聽唔清楚。個女仔嘅手臂同大髀都有紋身,陳先生話佢仲好似滾地沙咁碌地,最後坐咗喺地下。陳先生上咗巴士後,見到兩個差人指住女仔個方向行緊過去,應該係有途人報咗警。

警方就話,喺上址見到嗰名19歲少女,佢情緒激動,於是召救護車將佢送院檢查,同時通知咗佢屋企人。希望佢情緒平復番,重新振作



鍾意就快D Share啦!