2018年8月11日 星期六

【毋懼地震】明日峇里行禮 鄭嘉穎陳凱琳婚照曝光 __,嘉穎,陳凱琳,凱琳,鄭嘉穎,

鄭嘉穎同陳凱琳(Grace)聽日會喺峇里嘅Bvlgariresort舉行浪漫婚禮,唔少藝人都喺呢間酒店搞婚禮,好似劉愷威同楊冪,以及林心如同霍建華等等 ...


鄭嘉穎同陳凱琳(Grace)聽日會喺峇里嘅Bvlgari resort舉行浪漫婚禮,唔少藝人都喺呢間酒店搞婚禮,好似劉愷威同楊冪,以及林心如同霍建華等等,貪個環境望海夠浪漫。TVB《東張西望》有派攝製隊採訪,娛樂新聞台今日播出段片,介紹一對準新人下榻間酒店佈置,以及聽日舉行婚禮嘅教堂。今日黃昏時間,鄭嘉穎、陳凱琳再向傳媒發佈婚照,4張入面有3張係兩人頭黐頭、好煙韌咁,Grace件婚紗仲幾性感,腿部線條騷晒出嚟。

片段中介紹嘉穎入住嘅同類房間,話最貴頂層房間要港幣6萬蚊一晚,片段中見到間房佈置簡潔,走自然風格,間房有個大廳,而浴室中間係大浴缸。不過講到保安方面就相當森嚴,唔係住客唔可以入去參觀。

《東張》主持容羨媛今日開live介紹嘉穎同Grace舉行婚禮嘅石教堂,教堂雖然細細但好骨子,兩邊玻璃窗,教堂兩旁係一排排嘅櫈,大概容納64人,教堂盡頭係一張長嘅玻璃枱,一對準新人會喺嗰度進行宣誓,而教堂望出去係靚靚嘅大海。另外,教堂出邊地方會舉行婚宴,而附近仲有草地,可以畀一對新人同親友影相者舉行酒會。

精選娛聞,喺晒《娛果》

http://fb.com/appledailyent









教堂好簡潔。(電視截圖)

教堂好簡潔。(電視截圖)
石教堂外貌。(電視截圖)

石教堂外貌。(電視截圖)
可以容納64位親友。(電視截圖)

可以容納64位親友。(電視截圖)
宣誓位置有張玻璃長枱。(電視截圖)

宣誓位置有張玻璃長枱。(電視截圖)
酒店房間浴室。(電視截圖)

酒店房間浴室。(電視截圖)
婚宴場地。(電視截圖)

婚宴場地。(電視截圖)
房間大床。(電視截圖)

房間大床。(電視截圖)

鍾意就快D Share啦!
Related Posts Plugin for WordPress, Blogger...