掃呢頁CODE去手機

2018年8月20日 星期一

前主播黃麗幗回復單身 認同前夫相處出問題 __,黃麗幗,

■回復單身嘅黃麗幗寄情工作,佢話最近再讀書,希望快啲攞埋分析師牌。互聯網圖片
■回復單身嘅黃麗幗寄情工作,佢話最近再讀書,希望快啲攞埋分析師牌。互聯網圖片現年28歲嘅前新聞主播黃麗幗(Ruby)被唔少網民封為女神,佢前年離開無綫 ...


現年28歲嘅前新聞主播黃麗幗(Ruby)被唔少網民封為女神,佢前年離開無綫轉投海通國際做投資策略副總裁。樣子甜美嘅佢喺大前年年底做咗人妻,但原來佢結咗婚年幾,去年年中已經離婚。佢身邊朋友就講離婚原因係「性格不合」、「因了解而分開」而和平分手。

知情人士就爆料:「覺得佢婚後唔開心,好少見佢同老公一齊出嚟,覺得佢好孤伶伶,分開原因主要係生活上嘅嘢好多唔夾,住埋一齊相處唔到。」



■黃麗幗任新聞主播時係唔少網民嘅女神。資料圖片

■黃麗幗任新聞主播時係唔少網民嘅女神。資料圖片
■黃麗幗15年底成為人妻,但原來離咗婚。互聯網圖片

■黃麗幗15年底成為人妻,但原來離咗婚。互聯網圖片

仍是朋友

回復單身嘅Ruby就為工作忙碌,不時喺社交網分享工作點滴,上星期佢就喺Ig貼咗張企喺沙灘上嘅相留言:「人生與幸福從來都不需要向別人交代。」馮仁昭搵過Ruby,佢就直認已離婚,問佢係咪因為同前夫相處出現問題而分開?佢話:「Sorry,真係唔想講太多,都唔想影響到佢,我哋仲係朋友,仲有聯絡。」問到係咪已經有追求者,Ruby話:「都有朋友話介紹男仔畀我識,順其自然啦,因為我𠵱家再讀書,希望快啲考CFA(特許金融分析師),攞埋分析師牌。」

撰文:馮仁昭




鍾意就快D Share啦!