麥明詩會取代志偉？
藝人麥明詩出席活動，講到今屆無綫港姐留港在西貢取景，問到可有去過？她謂：「我有去過西貢，咁西貢係有啲地方唔似香港嘅，其實主菜係女仔啫，女仔靚邊度拍都靚。」至於當年到日本拍外景，她謂：「我好幸運，因為最尾贏咗，天時地利人和啦，第二年參加都未必贏到。（第二年冠軍係邊個？）馮盈盈囉。」
可覺得港姐Budget有限？明詩說：「呢方面我就唔清楚，最緊要出嚟效果好就得。」問到是否當年曾志偉任司儀？她說：「係志偉、嘟姐（鄭裕玲）兩隊嘅，我係屬於志偉嗰隊，覺得呢個主意好好，嗰日仲同馮盈盈講開，我哋可以分兩隊，做一個好似真人騷咁，我哋明爭暗鬥派啲佳麗去鬥。（可以同余詠珊提議？）唔敢喎。」
有傳無綫封殺志偉？她謂：「咁我又唔係咁清楚喇，希望我有機會做到。（由你接棒？）係呀，我覺得要畀啲機會我哋啲新人嘅，我覺得仲有進步嘅空間，都要有機會試先有進步。」覺得志偉是港姐icon？她謂：「港姐icon係后冠，咁呢個世界冇嘢係永恆，永遠都有變遷，他朝有日都係會換新嘅人去做，咁有化學作用又有唔同效果，20年前港姐同20年後港姐氣場同感覺都好唔同，我相信20年前我參加一定連圍都入唔到，所以唔需要害怕改變。」
問想誰當司儀拍檔？她謂：「可唔可以揀個台灣嘅吳宗憲，佢講好多嘅笑話我都有參考，不過，就唔太適合喺《#後生仔傾吓偈》，因尺度有少少唔同。（你哋尺度好闊？）我哋窄啲。（有代溝？）咁關於人體嘅topic係冇代溝嘅，我主要係講兩性嘅戀愛，我係單身協會會長嘛！」
來源 source: http://hk.on.cc
|
鍾意就快D Share啦！
|
|
|