掃呢頁CODE去手機

2018年8月21日 星期二

【真係鬆一口氣】錄音留言感謝身邊人 余德丞:醒番先知道原來件事幾嚴重 __,余德丞,

今日余德丞透過社交平台錄音報平安
28歲大台新男神余德丞月初因踢波昏迷被送入瑪麗醫院,情況一度情況危殆,一直留在深切治療,經過醫生診治後,情況已經好轉,其後轉到心臟科病房觀察(新聞連結 ...


28歲大台新男神余德丞月初因踢波昏迷被送入瑪麗醫院,情況一度情況危殆,一直留在深切治療,經過醫生診治後,情況已經好轉,其後轉到心臟科病房觀察(新聞連結: https://bit.ly/2Bgw3rz )!



繼日前余德丞喺鄧佩儀(Gloria)嘅ig留言後(新聞連結: https://bit.ly/2BuURvN ),今日余德丞透過社交平台錄音報平安,佢話:「我今次真係好好彩,非常之感恩,非常之開心,今次可以大步檻過醒得番,可以再同你哋講嘢,所以真係好多謝香港每一位嘅關心、問候、祝福同埋集氣,令到我能夠醒得番,真係衷心多謝你哋每一位。」



佢仲話:「其實醒番之後先知道原來件事幾嚴重,因為我昏迷時候,原來個心都停咗一段幾長嘅時間,所以能夠企得番身,同大家傾偈真係好好彩,o依家我慢慢康復,精神都好咗多好多,講嘢都清楚咗,當然,醫生都建議要留院多一段時間, check清楚身體係咪ok先可以出院,最後真係好多謝瑪麗醫院嘅上上下下咁多位醫護人員,佢哋悉心嘅照顧,同埋喺我關鍵時候,做心肺復甦嘅足球隊隊友,仲有屋企人每日都嚟支持,公司嘅同事同咁多位傳媒朋友,希望可以快啲出院同大家見面,有乜嘢新嘅消息,再通知你哋。」



聽到余德丞把聲中氣十足,今次真係鬆一口氣!



精選娛聞,喺晒《娛果》

http://fb.com/appledailyent




鍾意就快D Share啦!