掃呢頁CODE去手機

2018年8月3日 星期五

陳奕迅:估唔到喎!陳奕迅買邊個隻碟令全場爆笑? __,陳奕迅,

陳奕迅果然係忠實Fans。「歌神」陳奕迅(Eason)今日於尖沙咀一間酒店舉行與環球唱片續約的記者會,並由鄭丹瑞(阿旦)擔任司儀,當介紹Eason出場 ...


陳奕迅果然係忠實Fans。


「歌神」陳奕迅(Eason)今日於尖沙咀一間酒店舉行與環球唱片續約的記者會,並由鄭丹瑞(阿旦)擔任司儀,當介紹Eason出場時,阿旦幽默說:「喺1995年擔任一個新秀比賽嘅時候,見到一個略帶脂肪嘅小鮮肉,到今日佢變成天王巨星!」隨即身後LED屏幕門打開,Eason揮手現身,更錫阿旦面頰一下,阿旦感觸說:「睇住佢出道,之後佢每次嘅重大開心事要宣布,我都企喺度見證住!」二人於台上細數與唱片公司多年合作的心情及輝煌成績,Eason於其合作期間,發行共89張實體碟;實體及數碼專輯總銷量超過2000萬張;數碼平台串流次數超過210億;大型個人巡迴演唱會超過300場,其踏足超過80個城市;合計獲「歌手」獎超過170個,而「歌曲」及「專輯」獎更超過200個!

Eason重提自己當年是寶麗金唱片公司的忠實Fans,任何歌手的唱片都會買,笑話:「甚至鄭嘉穎(嘅碟)!」此話一出令全場爆笑,Eason急急「補鑊」說:「因為佢嗰時仲係新人,未有人識,都唔會理咁多(知名度),都會欣賞!」其後大螢幕播放由各地區環球代表錄製的祝賀短片,播畢便舉行送贈禮物及隆重的簽約儀式。

活動後Eason於場外接受訪問,問到續約費時,他語帶保留笑說:「應該唔會同大家分享。」再追問之下,他形容說:「有多冇少㗎公司咁多年都好支持我,關係就我做製作,佢哋幫手宣傳,上一隻碟佢哋都話會出韓國版,係間好有系統嘅音樂公司。」幾時會再舉行Tour?Eason照舊答話一直都籌備當中,想學以張學友於準備充足狀態下才入紙申請場地:「覺得香港做騷有好多嘢需要進步、準備好啲,拍得型啲、好睇啲都要時間準備。」他感慨坦言現時音樂圈的確冇以前咁繁盛、威水,但質素都唔可以再低,要保持住:「那怕有日再輪到你嘅時候,都可以抬番起頭,唔係話渣,係依家各樣嘢相對都退步咗,但做好自己先有得發圍。」

----------------------------

東網巨星開咗ig喇,大家快啲follow

 https://bit.ly/2JjSVcr 


來源 source: http://hk.on.cc
鍾意就快D Share啦!