2018年8月5日 星期日

「人渣老竇」很幸福!楊證樺再做老竇 仲係四間食肆老闆 __,楊證樺,

楊證樺
「人渣老竇」很幸福!楊證樺再做老竇仲係四間食肆老闆大台劇《BB來了》上周五大結局,都算係有happyending!不過楊證樺(Man)飾演嘅「阿成」唔 ...


「人渣老竇」很幸福!楊證樺再做老竇 仲係四間食肆老闆



大台劇《BB來了》上周五大結局,都算係有happy ending!不過楊證樺(Man)飾演嘅「阿成」唔止爛佬兼一度走佬,佢因黎諾懿放片上網而被封佢做「人渣老竇」,最後佢迫到佢被網絡公審,佢又以為徐榮勾引佢老婆楊卓娜,一時衰衝動怒斬徐榮,搞到囝囝爭啲被車撞,而佢自己都因而要入獄,下場都係最慘嘅一個!

劇中衰到貼地,但現實生活不知幾幸福!阿Man喺2015年同資深綠葉演員沈可欣結婚,二人一直恩愛,並育有一子。早前楊證樺與老婆齊齊公布喜訊,指佢哋屋企將會增添一個新成員,而且Man嘅食肆擴充分店,真係恭喜哂呀!

撰文:東方新地|圖片:楊證樺Facebook





楊證樺飾演的阿成因為爛賭欠下一身街數,於是楊卓娜孭起頭家幫手還債日以繼夜打工,但阿成反誤以為楊卓娜勾佬畀綠帽佢戴,有晚攞把菜刀要斬要殺!之後仲走埋佬…

不過阿成從雜誌知道阿妙成為有名陪月員,又嚟搵番佢兩母子,又連日跟蹤佢仲知佢同徐榮往來好密,以為老婆同徐榮有路!

有片睇:





A post shared by (@mytvsuper) on





因為黎諾懿呢個港爸KOL走火入魔為搵錢而出賣朋友及家人,仲將佢鬧阿成唔識做人老竇嘅短片放上網,結果阿成被封做「人渣老竇」!他之後多次同徐榮起衝突,又跪求同妻子復合不果,兒子龍仔更直指「人渣爸爸,我唔要你做我爸爸,Ben叔叔至係我爸爸,楊證樺大受刺激下刀傷害徐榮,但龍仔跑出馬路時,徐榮為救佢而被車撞到入院。終於被判坐監!

阿成大受刺激下竟以刀傷害致遠,最後致遠為救出馬路的龍仔而被車撞倒送院。


其實現實中楊證樺家庭、事業得意,除了演員,他另一身份是餐廳老闆,因為他現已經營4間食肆,好叻!



楊證樺 感恩喜獲第二胎

早前楊證樺喺個人社交網公布喜訊,表示佢哋一家三口將會增添一個新成員,變成一家四口!佢更留言指感謝上天嘅安排,呢個BB係佢哋嘅第二份禮物。



楊證樺公開超聲波相

楊證樺留言後,亦同時Po出一張BB嘅超聲波相,唔少網友知道呢個好消息,都戥佢哋高興,紛紛留言送上祝福!



「綠葉夫婦」 楊證樺沈可欣

楊證樺及沈可欣同為無綫綠葉演員,演出劇集無數,有睇電視的大家未必叫得出真名,但一定認得兩人!佢哋早已認識十多年,但真正走在一起只係近幾年嘅事。

即將播出嘅新劇特技人都有阿Man參演,演出機會不斷!



對於戀情十分低調,很多藝員同事直至兩人結婚先得悉,仲以為拍緊戲!



兩人現時育有一個2歲嘅兒子楊宏志 (Eugene)。



夫妻檔拍住上

楊證樺和沈可欣在TVB默默耕耘多年,一直安於自己位置,因為他們明白每套劇集都是team work,要有主角、配角和綠葉才能成就一套劇集,正如每個家庭都會分工合作,每人都有自己崗位。



楊證樺笑言兒子是他的福星,自他出世後,兩人獲得更多演出機會,甚至一齊做夫妻角色,「監製一諗起要搵人做夫妻,就會諗起我哋。



夫妻演《踩過界》獲力讚

早前無綫劇《踩過界》成為城中熱話,「盲俠大狀」王浩信固然獲得好評,但在其中一單元「疏忽照顧兒童案」中,飾演聾啞夫婦的楊證樺和沈可欣獲網民大讚演技出色,大家更想不到兩人在現實中亦是夫妻!無論戲份多少,兩人對每個角色也十分認真,經常一邊湊仔一邊刨劇本。



因囝囝抽筋暈倒 楊證樺有了人生啟悟

佢哋曾喺電視節目中,提及囝囝楊宏志 (Eugene)上年突然發燒,睇醫生後久久未退燒,之後楊證樺揸車去醫院途中,囝囝更突然抽筋,然後暈倒、失去知覺。

 



當時沈可欣已經喊到死去活來,以為囝囝咁就走咗… 幸好十多秒後囝囝有返喊聲,楊證樺個心先定落嚟少少。

 





人生最深刻一次

去到醫院,囝囝再度失去知覺,醫生馬上為Eugene進行急救,好彩最後平安無事。沈可欣憶述當時有人同佢講「頭先你個仔個嘴變咗紫色」,佢話佢寧願唔知道,嚇死佢哋。佢哋話,依一次係佢哋人生之中最深刻嘅一次。

  



楊證樺講述當時嘅心情:「去到嗰一刻,我原來所有嘢都可以唔要,我只要個仔。」

  





好在,而家囝囝都健健康康咗長大,嚟緊仲會做埋人哋哥哥㖭!










鍾意就快D Share啦!
Related Posts Plugin for WordPress, Blogger...