掃呢頁CODE去手機

2018年8月30日 星期四

張建聲:壓力爆煲鎅手自殘 張建聲情緒病復發! __,張建聲,

依家走出陰霾!多年來,圈中不少藝人都曾出現情緒問題,情況不容忽視!現年35歲的張建聲(Justin)入行八年,不斷在角色上挑戰自己,去年憑爆紅網劇《反 ...


依家走出陰霾!


多年來,圈中不少藝人都曾出現情緒問題,情況不容忽視!現年35歲的張建聲(Justin)入行八年,不斷在角色上挑戰自己,去年憑爆紅網劇《反黑》「招積」一角,成功上位,由於該角色性格暴戾,精神狀態起伏大,Justin太過投入角色,以致拍畢該片後一度未能抽離,雖三度求醫,結果證實患有焦慮症及強迫症,幸最終成功擺脫情緒困頓,走出陰霾!

不過,最近又有復發迹象!據知,因「招積」的成功,Justin一口氣接下多部電影,包括《無雙》、《作家的謊言》及由吳鎮宇、張孝全主演的網劇《真.三國無雙》等。拍攝《作》時,角色複雜之餘,他還首次兼任監製,令一向要求高的他壓力爆煲。剛巧在這時候,屋企亦發生了事,而他又被指因搭上籃球界女神方泳琳而與陳嘉莉情變,一下子是非湧現,他一時未能消化,情緒跌入谷底,更鎅手自殘!

維持咗兩、三個月

東網就壓力爆煲一事致電Justin,他坦承早前確實出現過問題:「喺《反黑》之後,我有睇過心理醫生,做過一啲心理輔導同埋呼吸減壓,之後其實都冇咩特別,只係一路忙做嘢。到開緊《作家》嘅時候,主要係角色多層次難抽離,同時又因為好多問題一齊爆發,自己未夠火喉處理,心理狀態幾混亂。」並承認情況一度嚴重到鎅手:「我只可以講自己入咗行幾年,喺叫發展得最好嘅階段,遇上人生最多問題同最壞嘅時候,心理落差好大,喺最迷惘時我做咗一啲不智嘅事,係唔成熟嘅,但當你去到最低時,你就明白沉淪係冇用,好快就會清醒番,我亦唔會重蹈覆轍!(問題維持咗幾耐?)我諗兩、三個月,拍完《作家》之後,同朋友傾偈、踢波做Gym,多得韓籍健身教練好肯同我去傾,增加咗正能量。我已經搵番正常嘅生活,經過呢段咁糾纏嘅日子,依家嘅我反而成長咗。」雖然再一次打敗仗,幸Justin經過一番掙扎,最終敢於面對自己,嘗試多見朋友、做運動、學賽車、潛水等,經過兩、三個月的「自我修復」,情況已慢慢好轉。

舊愛勸要愛錫自己

對於舊愛出現情緒問題,陳嘉莉直言不知情:「每個人都有迷失嘅時候,我覺得佢要識得錫自己先,唔識錫自己就唔會畀到身邊人安全感,要錫自己先可以愛其他人。其實都係要靠自己去克服,調節心情,每個人都有高低起伏,就算去到谷底,之後都會反彈。」已曾跟Justin傳緋聞的方泳琳則表示近期沒有見過對方,但都希望他「開心啲」,不要給自己太大壓力,還稱讚他是一位非常努力的演員。至於與張建聲合拍《作》片的松岡李那,指雙方是好朋友,指他監製新片期間,對很多事都很着緊,亦見過他罵人,不過絕不是亂發脾氣。


來源 source: http://hk.on.cc
鍾意就快D Share啦!