掃呢頁CODE去手機

2018年8月23日 星期四

無綫普通話翡翠台 開台半年玩完 __,無綫,

李佳芯主演嘅《BB來了》目前喺普通話翡翠台播映。
李佳芯主演嘅《BB來了》目前喺普通話翡翠台播映。無綫近年生意額大減,今年中開始裁員行動,消息稱目標由4,100人裁至3,300人。6月先喺TVBI開刀 ...


無綫近年生意額大減,今年中開始裁員行動,消息稱目標由4,100人裁至3,300人。6月先喺TVBI開刀裁減60人,之後再解散體育組,跟住輪到配音組傳出大規模裁員,緊接再有指無綫16廠將結束運作,約20至30位員工被炒。

最新消息係今年3月先成立嘅海外頻道普通話翡翠台同TVB電台都會摺埋,前者喺加拿大當地下周一停播,其他地區會喺香港時間下周六。



工聯會成員上月派傳單促請無綫停止裁員。資料圖片 工聯會成員上月派傳單促請無綫停止裁員。資料圖片

開台唔夠半年

呢個普通話翡翠台主要係網上收費平台,用普通話廣播兼配上簡體字幕,除咗新聞報道,仲播有 《BB來了》等劇集同綜藝節目,不過都係配上普通話。由於屬於海外頻道,服務對象唔係香港人,所以係透過TVB Anywhere平台播出,估唔到開台唔夠半年就玩完。

據知呢個「整合」行動依然繼續,TVB8、TVB星河網站將會喺下月停止服務,myTV Super有個別頻道亦捱唔住要摺埋,好似直播新聞台同TVB旅遊台,睇嚟無綫真係要削減不必要開支,好似港姐盛事今年就縮皮,冇出埠拍外景,改喺香港景點拍攝。

撰文:馮仁昭




鍾意就快D Share啦!