掃呢頁CODE去手機

2018年8月16日 星期四

森美扮舞伎十足人妖 嚇到途人雞飛狗跳 __,森美,

《森美旅行團》4個主持真係好玩得,繼兩個麻甩佬玉帛相見之後,昨晚一集森美更化身舞伎「中返你轉頭」遊走京都街頭,不過就嚇到啲路人雞飛狗跳。森美、麥美恩一 ...




《森美旅行團》4個主持真係好玩得,繼兩個麻甩佬玉帛相見之後,昨晚一集森美更化身舞伎「中返你轉頭」遊走京都街頭,不過就嚇到啲路人雞飛狗跳。

森美、麥美恩一組,吳若希、丁子朗一組。兩組人battle周街搵途人合照,影得多嗰隊贏。

吳若希嘅美女俊男組合,正正常常梗係無問題,順利影到13張合照。

不過森美嗰組就「擇使」啲喇,始終森美堂堂大男人牛高馬大,仲要化到白雪雪咁衝向人群,你都咪話唔嚇人。難怪有兩位大媽掉頭走,又有兩位年女士9秒9反方面奔馳啦。就算離遠睇唔清森美個樣,但聽到佢把老牛聲,十足十人妖,所以好明白點解有位阿嬸係咁拖佢個衰佬行快兩步,費事個衰佬俾森美搞吖嘛。最後,呢組人只影到8張合照,其中一張仲要係踩上草地抆住棵樹嚟影嘅。咁失威,Mayanne寸森美都係人之常情:「係你個樣有問題。笑起上嚟有啲嘔心,因為棚牙原來係咁黃。」

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app


鍾意就快D Share啦!