掃呢頁CODE去手機

2018年8月30日 星期四

【長凳擺袋】陳浩民大陸妻拍片 公審金髮女霸位:咁嘅香港人完全冇公德心 __,大陸,陳浩民,中國,

蔣麗莎微博截圖
讓座,不論係中港台,從來都係一個熱話;當你以為呢啲事只係發生喺公共交通工具上嗎?No。勁好生養嘅陳浩民太太蔣麗莎,今日帶住子女去溜冰場玩,點知,就發生 ...


讓座,不論係中港台,從來都係一個熱話;當你以為呢啲事只係發生喺公共交通工具上嗎?No。



勁好生養嘅陳浩民太太蔣麗莎,今日帶住子女去溜冰場玩,點知,就發生一個讓座羅生門事件。



據蔣麗莎喺微博所講,今日佢個女去溜冰時跌親拗柴,需要換鞋,所以搵咗個最近嘅地方換鞋,點知……



蔣麗莎形容當時嘅情況係咁嘅:「超級誇張,霸用公共座椅(小朋友換鞋子的椅子)因為女兒摔跤扭了腳,需要換滑冰鞋,所以找到了一個最近的地方換鞋,想不到被背後的女人一把推開,說我不應該坐這裏,因為她的書包裡面有超級貴重的電腦,我幾乎是半靠在椅子上,因為位置少到可僯!手裏還抱着孩子…居然一直罵罵咧咧,仗勢欺人,太離譜了。」



「這是椅子,是給在這裡滑冰的人換鞋子的地方(何時成為了你自家的地盤?)我根本沒有坐到她的包上,她一直強調電腦有多貴重!大家看第一段視頻明顯可以看到,我接觸到的位置到底有多少?社會公德心都去哪裡了?現在的社會都病了嗎?看到手抱兒的婦女、老人、兒童,無一讓座,這個世界猶如滑冰場一樣太冰冷了!」



睇番蔣麗莎條片,第一段係有一名身穿黑色嘅金髮馬尾女子,女子身後、即係張凳嘅後半部,放咗一個迷彩背囊,佢轉身同蔣麗莎講:「你想坐,你想,OK,冇問題。」瞄了蔣麗莎幾眼,擰擰頭,轉番身背向蔣麗莎。



如是者,蔣麗莎與金髮女繼續拗,各持己見,後來有其他小朋友想「坐」低換鞋,忙住拍片嘅蔣麗莎都不忘要「提醒」小朋友,話張凳唔可以坐:「唔好坐位,嗰度有個袋,佢話有啲好貴重嘅嘢喺裡面。」蔣麗莎仲指指個袋、再「提醒」小朋友話:「呢張凳唔係俾人哋坐,係俾佢個袋擺呢度嘅。」



蔣麗莎係咁指桑話槐,一直背住佢坐嘅金髮女按捺不住,同佢講:「小姐,你搞清楚,我冇話唔俾你坐,你坐落嚟講聲我咪讓囉,頭先有人坐落嚟我都讓佢0架!」之後別過臉由得蔣麗莎繼續拍,蔣麗莎就無限loop:「真係好離譜。」



蔣麗莎再鬧,話:「真係好離譜,俾人坐嘅位,自己擺個袋!呢度係俾人change shoes嘅,佢完全坐喺度郁都唔郁,咁樣嘅香港人,好犀利,完全冇公德心。」



拿,講番先,條片係蔣麗莎視角,而片中女子亦講明,佢唔係唔讓,佢只係一再重申,有部電腦喺個袋裡面,如果要坐,開聲就可以……但亦如其所言,呢度係俾人坐,唔係擺袋0架嘛……




鍾意就快D Share啦!