你又撐唔撐呢？
10A港姐麥明詩（Louisa）為今屆港姐擔任司儀，其中一幕好有火花嘅就係佢問11號李明芙「覺得邊位佳麗贏咗最唔公平？」點知對方答唔到，同台嘅鄭裕玲（嘟嘟）即時解圍，麥明詩即笑話唔公平，嘟嘟當年都冇幫佢，點知嘟嘟就話：「咁你都選到喇，你仲想點啫，咁你都係香港小姐嚟㗎嘛！」成為全晚高潮之一！而事隔幾日，Louisa終於忍唔住喺Instagram發文仲抽自己水！
佢上載今屆冠軍陳曉華合照，留言：「17號佳麗陳曉華選到香港小姐冠軍就最唔公平喇，已經咁靚、咁高、腿咁長、仲要係一個有愛心嘅護士，已經擁有咁多嘢再加多個港姐冠軍實在是太不公平了！不過17號佳麗陳曉華憑著（着）出眾的外貌、淡定的對答、空中瑜伽所展現的努力和力量，贏到港姐冠軍就最值得了！」
點知就引起網民罵戰，支持佢嘅就話：「其實你問啱個冇咁快急才嘅佳麗啫」、「根本以前幾屆港姐嘅題目更加刁鑽」、「如果遇着位轉數快嘅佳麗，louisa嘅問題可以幫佢加分」！
有啲就批評「你問的『最唔公平』的問題真係好stupid」、「今次真係錯咗」、「冇資格做主持」又話佢唔應該再提：「你選到咪叫公平囉，又抽水」、「都冇人怪你，你自己衰咗就認啦」、「再用公唔公平做引子，容易令人誤會係葡萄他人」！而Louisa亦有回復網民「問題都係幕後團隊一起制定的」。
來源 source: http://hk.on.cc
|
鍾意就快D Share啦！
|
|
|