掃呢頁CODE去手機

2018年8月27日 星期一

《延禧攻略》:瓔珞傅恒現代續前緣 皇上中分油頭被嫌棄 __,延禧攻略,

時裝古裝都咁靚!紅遍中港台嘅大陸宮鬥劇《延禧攻略》開播後隨即掀起熱潮,令唔少同劇演員都一夜爆紅,而一眾Fans最熱切討論嘅,莫過於係女主角「魏瓔珞」吳 ...


時裝古裝都咁靚!


紅遍中港台嘅大陸宮鬥劇《延禧攻略》開播後隨即掀起熱潮,令唔少同劇演員都一夜爆紅,而一眾Fans最熱切討論嘅,莫過於係女主角「魏瓔珞」吳謹言周旋喺「皇上」聶遠同「富察傅恒」許凱嘅呢兩段情!近日三位主角就除低古裝,齊齊「穿越時空」,換上現代時尚造型為雜誌拍攝時尚照,隨住難得嘅「三人行」相曝光後,又再次掀起熱論!

相中可見,梳起中分油頭、畫上大紅唇嘅吳謹言着上透視黑衫、搭配黑皮背心同長靴,露出修長美腿同性感嘅「絕對領域」,同劇中典雅婉約嘅造型差天共地!獲一眾網民大讚「原來最帥的是魏姐」、「魏姐氣場太強」等。

不過對於聶遠嘅中分髮型就令網友睇唔慣,留言笑話「原諒我沒認出那是聶遠」、「皇上快把假髮摘了吧」、「肯定是假髮,還不如寸頭」,仲嫌頂中分嘅假髮「太油膩了」!

而呢輯相嘅另一焦點就落於吳謹言環抱許凱「放閃」,呢張親密照令唔少中「劇毒」嘅劇迷直誇二人襯到絕,係咁酸爆話「好甜」!

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!