掃呢頁CODE去手機

2018年8月15日 星期三

「鴨王」何浩文飛空姐搭上師妹 恨結婚唔買樓就結紮 __,何浩文,鴨王,

■何浩文𡃁模新歡Natalie被指係第三者,但何浩文否認。互聯網圖片
■何浩文𡃁模新歡Natalie被指係第三者,但何浩文否認。互聯網圖片今年29歲嘅「鴨王」何浩文(Dominic)15年底被爆帶空姐新歡唐紫瓊(Cand ...


今年29歲嘅「鴨王」何浩文(Dominic)15年底被爆帶空姐新歡唐紫瓊(Candy)蜜遊台北,不過今年2月已分手,被指搭上Candy好友、曾參加ViuTV選美節目《美選D.n.A》面試嘅𡃁模方敏婷(Natalie),撻着後仲去咗泰國預支蜜月。



■何浩文同空姐Candy嘅一段情已成過去式。資料圖片

■何浩文同空姐Candy嘅一段情已成過去式。資料圖片
■何浩文同Natalie都係王晶旗下藝人。互聯網圖片

■何浩文同Natalie都係王晶旗下藝人。互聯網圖片

「結得婚就一世」

有指Natalie係第三者,Dominic護花:「冇第三者。」講到二人點開始,佢話:「冇話追呀,年頭拍完劇返到香港,工作見多咗面,慢慢越來越熟,有時人會喺有啲時候遇到個相處得好舒服嘅人,同Natalie都覺得好舒服。」不過佢避談幾時開始拍拖,話每次都想同另一半結婚:「結得婚就應該一世,如果我80歲命,都過晒人生三分一,都想有個人穩穩定定陪埋我之後嘅人生。」仲大講爛gag:「買到樓就結!買唔到樓都結!不過係結紮。」

Natalie被指同Dominic相戀前,去年同周秀娜舊愛陳偉成(Avis)有過短暫情緣,Avis話:「上年我哋好friend,有一齊去街,但冇一齊過。」

撰文:馮仁昭




鍾意就快D Share啦!