掃呢頁CODE去手機

2018年8月20日 星期一

《延禧攻略》:《如懿傳》今首播 《延禧》改播足七日對撼 __,延禧攻略,《延禧》,《如懿傳》,

咁多劇!!點追!!!大陸熱播宮闈劇《延禧攻略》依家風頭正旺,中港台三地掀起熱潮,單是網上點擊已逾90億。本身諗住佢有幸避開同類型大戲《如懿傳》,因為《 ...


咁多劇!!點追!!!


大陸熱播宮闈劇《延禧攻略》依家風頭正旺,中港台三地掀起熱潮,單是網上點擊已逾90億。本身諗住佢有幸避開同類型大戲《如懿傳》,因為《如》拍竣多時但一直未有播出時間,直至上星期其官方微博終於宣布獲批播出,硬撼《延禧》!

今晚就係《如》首播日,佢哋已經密鑼緊鼓做宣傳,早幾日就宣布林憶蓮張惠妹合唱《如懿傳》主題曲,借兩位天后吸睛,女主角周迅又喺自己微博發文嗌大家留意,而《如》更會喺內地騰訊視頻播,禮拜一播到禮拜四,每日播兩集,個氣勢真係夠晒霸氣。

至於已經食咗頭啖湯嘅《延禧》就決定追住打,8月6日已經宣布「加場」,周二至周日播出街兼各更新兩集,今朝佢再宣布播出時間改為一星期播足七日,變相佢喺九月開學前就會播到去66集。

兩大劇集正面交鋒,追劇狂潮一觸即發,網友們睇嚟都要養精蓄銳等煲劇喇!


來源 source: http://hk.on.cc
鍾意就快D Share啦!