網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年8月21日 星期二

亂噏炸台北市政府 吳宗憲踢仔出演藝圈 __,吳宗憲,

■吳宗憲噚日同囝囝吳睿軒舉行記者會並公開道歉。台灣《蘋果日報》
■吳宗憲噚日同囝囝吳睿軒舉行記者會並公開道歉。台灣《蘋果日報》台灣綜藝天王吳宗憲嘅19歲仔鹿希派(原名:吳睿軒)前日喺Ig嘅限時動態貼出「女友生病,要 ...


台灣綜藝天王吳宗憲嘅19歲仔鹿希派(原名:吳睿軒)前日喺Ig嘅限時動態貼出「女友生病,要是沒好起來,我就做炸彈,炸台北市政府,全民賠罪。」嘅恐嚇言論,引發軒然大波。言論已觸犯《刑法》恐嚇公眾罪,可能面臨兩年以下有期徒刑,事情發生後吳睿軒已配合警察調查。



■日前有人喺Ig聲稱要「炸台北市政府」,其後揭發嗰個人係吳宗憲個仔吳睿軒。

■日前有人喺Ig聲稱要「炸台北市政府」,其後揭發嗰個人係吳宗憲個仔吳睿軒。

父子鞠躬道歉

噚日吳宗憲同兒子舉行記者會並且公開道歉,吳宗憲先出場,面色凝重道歉話:「非常抱歉,這個事情我是跟他講要當個男人,19歲多,生日過了就20歲了嘛,自己要去扛這些事情……人生又不是活到19歲就結束,後面日子還很多,應該要學會怎麼應對這些。」出道只有23日就闖大禍,吳宗憲代兒子宣佈離開演藝圈:「藝能界不需要你這樣的人,最不能原諒的過錯就是愚蠢。你算倒楣,因為你爸爸就是吳宗憲。然後看你以後要去澳洲、歐洲哪裏打工,爸爸就送你到這裏,你可以回去準備行李。」吳睿軒嘅祖母以「家醜」形容事件。

兩父子當眾鞠躬道歉,喺20分鐘嘅記者會中吳宗憲不時眼泛淚光。

吳睿軒目前喺美國波士頓伯克利音樂學院讀書,問到會唔會擔心影響學業,佢話會同校方好好解釋,如果因為荒謬嘅行為而受罰,無論係罰款或者勞動服務,甚至被拉都會接受。吳睿軒話家教令佢明白做咗白癡事就要去承擔責任,佢解釋當時係同朋友之間嘅玩笑,只係抱住貪玩同講一個只有朋友間先明嘅笑話,知道出事後已經第一時間去咗警署落口供同解釋。

撰文:馮仁昭




鍾意就快D Share啦!