網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年8月19日 星期日

【已經有追求者】前主播黃麗幗一年幾婚姻結束 樂觀面對:生活要向前望 __,黃麗幗,

無綫嘅新聞取向,一直有唔少爭議。不過,新聞部盛產靚女確係事實,只係近年「睇得」又有料嘅男女主播走完一個又一個,唔少女神級主播仲加入咗人妻行列,令網民大 ...


無綫嘅新聞取向,一直有唔少爭議。不過,新聞部盛產靚女確係事實,只係近年「睇得」又有料嘅男女主播走完一個又一個,唔少女神級主播仲加入咗人妻行列,令網民大叫心碎了。

現年28歲、前年被海通國際睇中嘅前主播黃麗幗(Ruby),早於15年已經成為人妻,當日有網民得悉Ruby要嫁人,仲傷心得喺討論區留言話「連黃麗幗都結埋婚,人生仲有咩意義?」但係世事無絕對,《蘋果》收到消息,Ruby原來已經離婚,更有傳回復單身嘅佢,身邊已經有唔少狂蜂浪蝶。

據知,15年年底結婚嘅Ruby,去年年中已經離婚,至於離婚嘅原因,就係最老土嘅「性格不合」同埋「因了解而分開」!有認識Ruby嘅知情人同《蘋果》講:「其實Ruby結咗婚之後,好多時都覺得佢唔開心,大家都好少見佢老公同佢一齊出嚟,有時覺得佢好孤伶伶。」

不過,知情者話Ruby同前夫係和平分開,又話:「分開原因主要係生活上嘅嘢好多唔夾,住埋一齊相處唔到咁啦,或者因為佢哋拍拖十年都冇試過同居,不過無論如何,身邊朋友都會支持佢決定。」

回復單身嘅Ruby,工作依舊忙碌,不時都會喺社交網分享工作上嘅嘢,但偶爾都會update一下自己近況,上星期佢就喺Ig貼咗張企喺沙灘上嘅相,仲留言話:「人生與幸福從來都不需要向別人交待。」似乎有所暗示。

《蘋果》聯絡過Ruby,對於離婚傳聞,Ruby透過短訊回覆時直認不諱,但就話唔想講太多。問佢係咪傳聞中,因為同前夫相處嘅問題導致分開?佢就話:「Sorry,真係唔想講太多,都唔想影響到佢(前夫),我哋仲係朋友,仲有聯絡。」

之後Ruby再補充:「其實我哋分開咗都無主動講畀人聽,始終唔係開心事,只係大家朋友知,而且都要向前望,要過生活,大家都想快啲過正常生活!」問Ruby身邊係咪已經有追求者?佢就話:「都有朋友話介紹男仔俾我識,順其自然啦,因為我依家再讀書,希望快啲考CFA(特許金融分析師),攞埋分析師牌。」



黃麗幗15年成為人妻,原來最近已經離咗婚。 黃麗幗15年成為人妻,原來最近已經離咗婚。
據知佢係哋係性格不合而分開。(ig圖片)

據知佢係哋係性格不合而分開。(ig圖片)
黃麗幗話有朋友話介紹男仔俾佢識,係咪發展就順其自然。(ig圖片)

黃麗幗話有朋友話介紹男仔俾佢識,係咪發展就順其自然。(ig圖片)

鍾意就快D Share啦!